ეპიდემიოლოგთა პროგნოზები მართლდება - ინფიცირებულთა დღიური რაოდენობა ქვეყანაში ძალიან სწრაფად იზრდება. კრიტიკულ ზღვარზეა სიკვდილიანობის მაჩვენებელიც. მედიკოსების შეფასებით, კორონავირუსს - წერტილოვანი შეზღუდვებით, რეკომენდაციების დაცვითა და ინტენსიური ვაქცინაციით უნდა ვებრძოლოთ.

პრემიერ-მინისტრმა ჯანდაცვის სამინისტროსა და დაავადებათა კონტროლის ეროვნულ სააგენტოს სამშაბათისთვის კონკრეტული რეკომენდაციების მომზადება დაავალა. არ არის გამორიცხული არავაქცინირებული მოქალაქეებისთვის საქართველოში ახალი რეგულაციები ამოქმედდეს.