ზაფხულის ბოლო თვე შედარებით მშვიდია, თუმცა საინტერესო მოვლენებით დატვირთული. განვიხილოთ თითოეული კვირა.

7 აგვისტომდე
შეინარჩუნეთ ჰარმონია. ნუ მიიღებთ სარისკო გადაწყვეტილებებს. იყავით მაქსიმალურად მშვიდი, გააზრებული. მოერიდეთ ზედმეტ ხარჯს. კარგი იქნება თვითანალიზი. გადახედეთ წარსულს, გამოიტანეთ შესაბამისი შედეგები. მეტი ისეირნეთ სუფთა ჰაერზე, ბუნებაში.

8 აგვისტო - ახალმთვარეობა
ახალმთვარეობა გველოდება ლომის ნიშანში. ამ დღეს ახალ საქმეებს ნუ დაიწყებთ. რაც უფრო მარტივ გამოსავალს იპოვით, მით უკეთესია. მოერიდეთ უსიამოვნებებს. იყავით პოზიტური. ახალმთვარეობ
ამდე დაალაგეთ სახლი, პირადი ნივთები, აზრები. კარგი იქნება წყალთან კონტაქტი. ამ დღეს არ შეიჭრათ თმა.
ახალმთვარეობიდან 1 საათის განმავლობაში შეადგინეთ სურვილების სია. ჩამოწერეთ იმ საქმეების ჩამონათვალი, რაც გსურთ, რომ მთვარის ამ პერიოდში განახორციელოთ.

9-21 აგვისტო - მზარდი მთვარის პერიოდი
მთვარე იზრდება და ენერგიის მომატებასაც იგრძნობთ. ცაზე პლანეტების განლაგება მოგვიწოდებს, გამოვავლინოთ ინიციატივა, არ შეგვეშინდეს პირველი ნაბიჯის გადადგმის. დახმარება შეიძლება სრულიად უცხო ადამიანებისგან მივიღოთ. ეცადეთ, არ გადადოთ ხვალისთვის ის, რისი გაკეთებაც დღეს შეგიძლიათ. გაიკეთეთ სილამაზის რიტუალები: წაისვით თმაზე, კანსა და ფრჩხილებზე დამატენიანებელი და მკვებავი კრემები.

22 აგვისტო - სავსემთვარეობა
ენერგიის მომატებას იგრძნობთ. გაგიჩნდებათ რამის კეთების სურვილი. განახორციელეთ შემოქმედებითი პროექტები. დაიწყეთ წარსულში ჩადენილი შეცდომების გამოსწორება. მოგემატებათ სიყვარულის ენერგია. ნუ მოგერიდებათ გრძნობების გამოხატვის. იყავით მზად ფლირტისთვის, პაემნისთვის. დააკვირდით სავსემთვარეობაზე ნანახ სიზმრებს.

23-31 აგვისტო - კლებადი მთვარის პერიოდი
ზაფხულის ბოლო დღეები მშვიდი და ჰარმონიული იქნება. კარგი იქნება, თუ დაასრულებთ ადრე დაწყებულ საქმეებს. აი, ახლების დაწყებას კი არ გირჩევთ, თუმცა წინასწარ დაგეგმვა შეგიძლიათ. გადახედეთ წარსულში დაშვებულ შეცდომებს, გამოიტანეთ სწორი დასკვნები და ეცადეთ, გამოასწოროთ ისინი.

აგვისტოს ყველაზე კარგი დღეებია: 9, 11, 13, 16, 18, 28 და 29. ეს დღეები მაქსიმალურადაა დატვირთული დადებითი ენერგიით. დანიშნეთ მნიშვნელოვანი საქმეები ამ რიცხვებში.
კარგი დღეები თმის შესაჭრელად: 2, 3, 6, 9, 10, 12, 13, 16, 18, 27-29 და 31 აგვისტო.
კარგი დღეები კოსმეტიკური პროცედურებისთვის: 9, 11, 12, 14, 22 და 23 აგვისტო.
კარგი დღეები საყიდლებისთვის: 2, 4, 11, 14-18, 20, 23, და 29-31 აგვისტო.
კარგი დღეები მგზავრობისთვის: 10, 11, 13, 14, 16, 19, 24-28 და 30 აგვისტო.
კარგი დღეები დღესასწაულის მოსაწყობად: 5, 6, 13, 17, 19, 27 და 28 აგვისტო.

წყარო: marao.ge