პარლამენტში დღევანდელი რიგგარეშე სხდომა ოპოზიციის ნაწილის გარეშე ჩაივლის. ხელისუფლების ოპონენტები საკანონმდებლო ორგანოში შესვლას ირაკლი ღარიბაშვილის გადადგომამდე არ აპირებენ. რეგლამენტის მიხედვით, სხვა საკითხებთან ერთად, დაგეგმილია სახალხო დამცველის ანგარიშის კენჭისყრა. განხილული უნდა იყოს პარლამენტის ეთიკის კოდექსის დამტკიცების შესახებ ცვლილებებიც.

ოპოზიციის გადაწყვეტილებას "ქართულ ოცნებაში" მათ უპასუხისმგებლობას უკავშირებენ და ამბობენ, რომ მსგავსი დამოკიდებულების გამო მათ პოლიტიკური საფასურის გადახდა მოუწევთ.