თბილისის საქალაქო სასამართლოში "მთავარი არხის" ერთ-ერთი დამფუძნებლის, ნიკა გვარამიას საქმის განხილვა მიმდინარეობს. პროცესზე გვარამიას გარდა კახაბერ დამენია და ზურაბ იაშვილი არიან დაბარებული.

შეგახსენებთ, გენერალურმა პროკურატურამ 6 სექტემბერს, "რუსთავი 2-ის" საქმეზე ბრალი ნიკა გვარამიას, ასევე "რუსთავი 2-ის" ყოფილ ფინანსურ დირექტორს კახა დამენიასა და "ინტერ მედია პლიუსის" დირექტორს ზურაბ იაშვილს წაუყენა.

ნიკა გვარამიას ბრალი, წინასწარი შეთანხმებით, ჯგუფის მიერ, დიდი ოდენობით "რუსთავი 2-ის" კუთვნილი ქონებრივი უფლების გაფლანგვას და უკანონო შემოსავლის ლეგალიზაციაში ედავება.