მაიამიში შენობის ჩამონგრევის შედეგად დაღუპულთა რიცხვი 9-მდე გაიზარდა. ბოლო მონაცემებით, მაშველები ამ დრომდე ეძებენ 150-მდე ადამიანს. 12 სართულიანი საცხოვრებელი კორპუსის ნაწილი ოთხი დღის წინ ჩამოინგრა.

1980 წელს აგებული შენობის ჩამონგრევის ოფიციალური მიზეზი, ჯერჯერობით, უცნობია, თუმცა მედიაში გავრცელებული ინფორმაციით, 3 წლის წინ ჩატარებულმა შემოწმებამ ავტოფარეხის სტრუქტურული დაზიანებები აჩვენა.