ბიზნესმენი კლიმენტი კეკუტია აცხადებს, რომ სალხინოს მამათა მონასტერში ხალხის მობილიზება მას არ მოუხდენია. ის ასევე უარყოფს იმას, რომ მონასტერში მის გამოჩენას დაპირისპირება მოჰყვა.

"მე იქით შევწირე ყველაფერი დადიანებს და საპატრიარქოს. არა მგონია, რომ ჩემმა აქ გამოჩენამ საერთოდ გამოიწვიოს დაპირისპირება, არასდროს გამოუწვევია.

არც ერთ ვარიანტში არ ვარ ამ ხალხის უკან, როგორც დამფინანსებელი. ხალხი მოდის თავის ნება-სურვილით ეკლესიაში, იზეიმოს დღევანდელი დღესასწაული. ჩემი ორგანიზებული არაფერია, ეს ხალხი თავისი ნებით მოდის, ძალიან უყვართ პატრიარქი და იმიტომ. მე აქ არავის დავალებით არ დავდივარ. შემიშვით დღეს ეკლესიაში, ვილოცოთ," - განაცხადა კლიმენტი კეკუტიამ მედიასაშუალებების წარმომადგენლებთან.

სალხინოს მამათა მონასტერში დილიდან ფიზიკური და სიტყვიერი დაპირისპირებაა - ადგილზე მობილიზებულია პოლიცია.