გაზაფხულის დიდი სასიყვარულო ასტროპროგნოზი - ვის ელის თავბრუდამხვევი რომანი და ვის მარტოობა

ვერძი
მარტოხელებისთვის: მარტში სიყვარულის ძიებაში შესვენება და საკუთარ თავში გარკვევა გელით. როგორც კი გაერკვევით, როგორი მამაკაცი გსურთ გვერდით, მაშინვე მიიზიდავთ ასეთას. საბედისწერო შეხვედრა მოსალოდნელია შუა აპრილში. დაახლოებას კი ივნისში შეძლებთ.

რჩევა: სად გეჩქარებათ? დააცადეთ მამაკაცს რომ გამოავლინოს საკუთარი თავი. გახდეს თქვენი ცხოვრების მნიშვნელოვანი ნაწილი. რაც უფრო მეტ დროსა და ემოციას დააბანდებს თქვენს ურთიერთობაში მით გაუძლიერდება გრძნობები თქვენ მიმართ.

დაწყვილებულებისთვის: გაზაფხულზე თქვენი ცხოვრება მდელოზე აყვავილებულ ნაირფერ ყვავილს დაემსგავსება. მარტი უღრუბლოდ ჩაივლის, აპრილში კი მცირე უსიამოვნებებს ელოდეთ.

რჩევა: ნუ მოგერიდებათ სერიოზული საუბარი საყვარელ ადამიანთან. ჩაახედეთ ყველა იმ საქმეში, რაც თქვენ გარშემო ხდება. ერთად უფრო მალე და უმტკივნეულოდ გადალახავთ უსიამოვნებებს.

კურო
მარტოხელებისთვის: მარტში ლამაზი, თავბრუდამხვევი რომანი გელოდებათ. აპრილში პროფესიული ცხოვრება მოითხოვს მეტ ყურადღებას. 21 აპრილს მზე თქვენს ნიშანს ესტუმრება და წარმატებას ელოდეთ ყველა სფეროში. გამოიყენეთ სასარგებლო დრო მაქსიმალურად. ზაფხულს შეყვარებული და კარიერულად წარმატებული შეხვდებით.

რჩევა: მშვიდად შეხვდით ხანმოკლე ფინანსურ სირთულეებს. ფულზე ფიქრის გამო რომანტიკული მომენტებს ნუ გაიფუჭებთ.

დაწყვილებულებისთვის: გაზაფხულის პირველი ნახევარი სიყვარულისა და რომანტის ელფერით ჩაივლის. მეორე ნახევარში სტაბილურობის შენარჩუნებაზე იქნებით ორიენტირებული. შეიძლება პარტნიორთან დაშორებაც კი მოგინდეთ.

რჩევა: ხშირად გადით სახლიდან, შეხვდით ახლობლებს. ჩაეწერეთ იოგის, ცეკვის კურსებზე, სპა-პროცედურებზე ეს გადაგრთავთ სიყვარულში წარმოქმნილი მცირეხნიანი კრიზისისგან.

ტყუპი
მარტოხელებისთვის: გაზაფხულის დასაწყისი შეიძლება მოსაწყენი მოგეჩვენოთ, მაგრამ მაისი რომანტიკული თავგადასავლებით დაგამახსოვრებთ თავს. ახალი ნაცნობობა და ფლირტი გელით. შეიძლება ძველ ნაცნობებთანაც კი გააბათ რომანი, მას სულ სხვა თვალით, ახლებურად დაინახავთ.

რჩევა: ბედნიერება იმაზე ახლოსაა თქვენთან, ვიდრე გგონიათ. მიხვდებით, რომ თქვენ გვერდით არსებულ ადამიანთან უფრო ღრმა და ხანგრძლივი მიჯაჭვულობა გაკავშირებთ.

დაწყვილებულებისთვის: მარტში შეიძლება საგაზაფხულო უხასიათობამ შემოგიტიოთ. პარტნიორი აუცილებლად შეამჩნევს თქვენს მდგომარეობას და შეეცდება, რომ გაგამხნევოთ. აპრილში თქვენს ურთიერთობაში ისევ სიყვარული და ჰარმონია დაისადგურებს.

რჩევა: გადადეთ საქმეები გვერდზე და დაისვენეთ. კარიერა, ოჯახი, და ვალდებულებები მოიცდის მთავარია, ძალები აღიდგინოთ.

კირჩხიბი
მარტოხელებისთვის: მგრძნობელობა გაზაფხულზე ცეცხლივით მოგემატებათ. განცდები უფრო მძაფრი გექნებათ. შეიძლება იმედი გაგიცრუოთ ახალგაცნობილმა. ნუ დარდობთ, გაზაფხულის ბოლოს საბედისწერო შეხვედრა გელით.

რჩევა: გადაწყვეტილებების მიღებისას ნუ აჩქარდებით. ემოციებიც მოთოკეთ და ცივი გონებით იმოქმედეთ. დრო ბინის მოწესრიგებას, საცხოვრებელი გარემოს რეორგანიზებას დაუთმეთ.

დაწყვილებულებისთვის: უსიამოვნებების მთელ სიმძიმეს საკუთარ თავზე ნუ აიღებთ. პარტნიორიც აქტიურად ჩართეთ საქმეებში. ახლა მან იზრუნოს თქვენზე

რჩევა: ერთად დაგეგმეთ მგზავრობა და საქმეები. ეს კიდევ უფრო დაგაახლოებთ. შეამცირეთ სამუშაო საათები და მეტი დრო გაატარეთ ერთმანეთის გვერდით.

ლომი
მარტოხელებისთვის: თქვენ ყველგან შეგამჩნევენ. თქვენი გარეგნობისა და მომხიბვლელი ღიმილის პატრონი უყურადღებოდ არ დარჩება. გაფრთხილდით, რომ მომძლავრებული გრძნობები უარყოფითად არ გამოავლინოთ. აპრილში სასურველის მისაღებად აგრესიას ნუ მიმართავთ. გაზაფხულის ბოლო ვნებიანი რომანით დასრულდება.

რჩევა: ვარსკვლავები გირჩევენ, ყურადღება მიაქციოთ თქვენი სტიქიის, ცეცხლის წარმომადგენლებს (ვერძი, ლომი, მშვილდოსანი). ერთად ჰარმონიულ კავშირს შექმნით.

დაწყვილებულებისთვის: მიუხედავად იმისა, რომ ყურადღება არ გაკლიათ, მთლად ჯუნგის დედოფლად ნუ წარუდგებით საყვარელ ადამიანს. ნუ გგონიათ, რომ იგი უსიტყვოდ უნდა დაგემორჩილოთ.

რჩევა: ყველა სიტუაციაში მიმართეთ თვითირონიას. იხუმრეთ თქვენს გვირგვინზეც კი, ასე უფრო შეარბილებთ უხეშ მომენტებს.

ქალწული
მარტოხელებისთვის: კარგი გოგო რომ ხართ ყველამ იცის. ახლა დაივიწყეთ ეს სტატუსი და მაცდუნებელ ქალად იქეცით. თუ მარტს საქმეებს შეალევთ, აპრილი სიყვარულს უნდა დაუთმოთ. თუმცა, მაისში გაიგნობთ ადამიანს, რომელიც ცხოვრებას რომანტიკულ ფერებში მოგირთავთ.

რჩევა: სინაზე, სითბო და მგრძნობელობა უნდა გამოავლინოთ. ასეთი უფრო მოეწონებით ახალგაცნობილ მამაკაცს.

დაწყვილებულებისთვის: საყვარელი მამაკაცი ძმაკაცს უფრო ხედავს თქვენში, ვიდრე ვნებიან და რომანტიკულ ქალს. იყავით მაცდური, ეფლირტავეთ მას. ღიმილსა და თბილ სიტყვებსაც ნუ დაიშურებთ.

რჩევა: გადაათვალიერეთ ძველი ფოტოები, ვიდეოები. გაიხსენეთ, როგორი რომანტიკულები იყავით - ეს მიძინებულ გრძნობებს გაგიღვიძებთ.

სასწორი
მარტოხელებისთვის: გაიფურჩქნებით და მამაკაცების ყურადღებას მიიქცევთ. თაყვანისმცემლებისგან მოსვენება გექნებათ დაკარგული. თუმცა, ვერ გეტყვით, რომ არჩევანის გაკეთება მარტივი იქნება. გამოსავალი ორიდან ერთია: ან ერთდროულად რამდენიმე რომანს გააბამთ ან ყველას უარყოფთ.

რჩევა: გაარკვიეთ ვინ უფრო მეტად მოგწონთ და გააბით მყარი ურთიერთობა. ინტუიციაზე დაყრდნობით იმოქმედეთ.

დაწყვილებულებისთვის: თითქოს ყველაფერი გააკეთეთ, რომ პარტნიორს თავი მოაწონოთ: მაკიაჟი, სტილი, ჩაცმულობა. მაგრამ თითქოს გაცივდა ურთიერთობა. ყველაზე ბედნიერი თვე მაისია.

რჩევა: თქვენს საყვარელ ადამიანს თქვენი ვარცხნილობა და ჩაცმულობა კი არა, თქვენი იუმორის გრძნობა და სიყვარული სჭირდება.

მორიელი
მარტოხელებისთვის: გაზაფხულზე ნამდვილი მამაკაცის შეყვარება და რომანტიკული გრძნობების გამოცდა გსურთ. ერთადერთსა და განუმეორებელს თუ ვერ შეხვდებით, მოიმატეს თქვენი თვითრწმენა, როცა ნებისმიერ მამრს თვალის ერთი შევლებით მოხიბლავთ და დაატყვევებთ.

რჩევა: ეცადეთ, ნებისმიერ მამაკაცის არ გადაუშალოთ გული. იყავით მაცდუნებელი და მომაჯადოებელი.

დაწყვილებულებისთვის: გაფრთხილდით, პრეტენზიებმა და დაუფიქრებელმა გამონათქვამებმა ურთიერთობა არ დაგიძაბოთ. ძირითადი თემა ფული და საყოფაცხოვრებო საკითხები იქნება. საბედნიეროდ, აპრილში სიტუაცია უკეთესობისკენ შეგეცვლებათ.

რჩევა: არავითარ შემთხვევაში არ დამალოთ გრძნობები. მამაკაცმა უნდა იცოდეს, რა ხდება თქვენს გულში. ზოგიერთი ქცევა, როს გამოც საყვარელ ადამიანს განკიცხავთ ბოროტების კი არცოდნის გამოა.

მშვილდოსანი
მარტოხელებისთვის: მარტი დასვენებას, კარიერული საკითხების მოგვარებას დაუთმეთ. აი, აპრილში კი თავბრუდამხვევი რომანი გელოდებათ.

რჩევა: ვარსკვლავები გირჩევენ, სათუთად მოეპყრათ თქვენს გრძნობებს. ყველას მოხიბვლას გირჩევნიათ, ვინც თქვენთან ყველაზე ახლოსაა, მისი გული დაიპყროთ.

დაწყვილებულებისთვის: დელიკატური უნდა იყოთ ურთიერთობაში. ჰკითხეთ რას ელოდება თქვენგან, როგორ სურს თქვენი ურთიერთობს განვითარება. იყავით რომანტიკული მის მიმართ.

რჩევა: დაუნიშნეთ რომანტიკული პაემანი. გათვალეთ ყველა დეტალი - ადგილი, თქვენი სამოსი, მაკიაჟი და რა თქმა უნდა... თავგადასავლის მასშტაბიც.

თხის რქა
მარტოხელებისთვის: ნაყოფიერი და ბედნიერი გაზაფხული გელოდებათ. გამოხატეთ ინტერესი სასურველი მამაკაცის მიმართ. ნუ აუკრძალავთ საკუთარ თავს ნურაფერს. ხანდახან ქარაფშუტაც კი უნდა იყოთ.

რჩევა: ჩაიხედეთ სარკეში და ისე გამოეწყვეთ, რომ ქუჩაში ყველა მამაკაცმა თვალი გამოგაყოლოთ. ნუ ეტყვით საკუთარ თავს უარს შოპინგზე.

დაწყვილებულებისთვის: გადახედეთ არსებულ ურთიერთობას, სიცივე და ოფიციალურობა სითბომ და რომანტიკულობამ უნდა ჩაანაცვლოს. შენიშვნებსა და კრიტიკას მოერიდეთ. აი, ჩახუტებასა და კოცნებს ნუ დაიშურებთ.

რჩევა: მიეცით მამაკაცს უფლება კვლავ მოინადიროს თქვენი გული. იმ ლამაზი და სათუთი ქალბატონის, რომელიც ერთი ნახვით შეუყვარდა.

მერწყული
მარტოხელებისთვის: მშვენიერ, ამაღლებულ განწყობაზე ხართ. მამაკაცების ყურადღება არ გაკლიათ. აპრილში ვნებიან რომანს გააჩაღებთ. ურთიერთობაში დაიცავით "ოქროს შუალედი"

რჩევა: ზოგიერთ მამაკაცს სერიოზული ურთიერთობა მოუნდება თქვენთან და ზედმეტი თავისუფლების სიყვარულით არ დააფრთხოთ.

დაწყვილებულებისთვის: თუ საყვარელი მამაკაცი სათანადო ყურადღებას არ გაქცევთ, ცოტა აეჭვიანეთ, ეფლირტავეთ გარშემო მყოფებს. თუმცა, ზღვარს ნუ გადახვალთ. მამაკაცმა უნდა იგრძნოს, რომ თქვენი დაკარგვის საშიშროება ელოდება, მაგრამ მართლა კი არ დაგკარგოთ.

რჩევა: ხანდახან მცირე კამათიც კი სასარგებლოა, რომ საკუთარი და პარტნიორის გრძნობები გამოსცადოთ. ეცადეთ, გაზაფხულის ცეცხლი თქვენს გულებშიც აგიზგიზდეს.

თევზები
მარტოხელებისთვის: ხანდახან მოგეჩვენებათ, რომ ფორტუნა დაგცინით. შეხვდებით მამაკაცებს, რომელიც იდეალურები იქნებიან ერთ სფეროში და სრული დილეტანტები - მეორეში. კომპრომისზე წასვლას არ გირჩევთ: მამაკაცი უნდა გაკმაყოფილებდეთ ფიზიკურადაც, მორალურადაც და ემოციურადაც. მაისში სწორედ ასეთს გაიცნობთ, რომელსაც ყველა "საგანში" ათიანს დაუწერთ.

რჩევა: იყავით გახსნილი ადამიანთან და თუ რამე არ მოგწონთ, პირდაპირ განუცხადეთ.

დაწყვილებულებისთვის: სამსახურის საქმეებში თავით გადაეშვებით და შეიძლება რომანტიკისთვის დრო საერთოდ არ დაგრჩეთ. თქვენს საყვარელ მამაკაცს თქვენი დაკავებულობა საერთოდ არ მოეწონება.

რჩევა: ეცადეთ, სამსახურსა და პირად ცხოვრებას შორის ბალანსი დაიცვათ. ნუ ჩაამკვდარებთ არსებულ კავშირს. ყურადღება და ზრუნვა ერთმანეთის მიმართ, სეირნობა და ფლირტი, სიურპრიზები და საჩუქრები, პაემნები და თავგადასავლები ოჯახურ ცხოვრებას მეტად მრავალფეროვანს გახდის. იყავით კრეატიული, ცეცხლი შეუნთეთ თქვენს გრძნობებს.

წყარო: marao.ge
469
3 წლ წინ