22-28 თებერვლის სილამაზის კალენდარი

27 თებერვალს, 12:17-ზე სავსემთვარეობას ველოდებით ქალწულის ზოდიაქოში. ამ დღეს იყავით პოზიტიურ განწყობაზე. მოერიდეთ ფორიაქს, აჩქარებით შეიძლება ყველაფერი გააფუჭოთ. მიაქციეთ ყურადღება საკუთარ ჯანმრთელობას, დააკვირდით რას მიირთმევთ. უმჯობესია, ჯანსაღ პროდუქტებს მიანიჭოთ უპირატესობა, დაფიქრდეთ დიეტაზე, რაციონის შეცვლაზე. 28-დან მთვარე კლებას დაიწყებს და კარგი იქნება დიეტის დაცვა, ზედმეტობისგან გათავისუფლება.
25 თებერვალს (21 მარტამდე) ვენერას თევზების ზოდიაქოში გადავა. ადამიანებში მოიმატებს სინაზე, შინაგანი გრძნობების გამოხატვა. მოგინდებათ შემოქმედებითი იდეების განხორციელება.

22-24 თებერვალი (16:22-მდე), მთვარე კირჩხიბის ზოდიაქოში იმყოფება. იმატებს მგრძნობელობა და ემოციურობა. დიასახლისებს
საჭმელი გამოსდის განსაკუთრებით გემრიელი. სასარგებლოა პურისა და სხვა ფქვილეულის გამოცხობა. არ გადატვირთოთ კუჭი.
კარგია - აბაზანის მიღება, კარგ შედეგს მოგიტანთ დამატენიანებელი კრემების გამოყენება. შეგიძლიათ გაიკეთოთ პირსინგი, ტატუ.
ცუდია - კუჭის გამოკვლევა, ნებისმიერი მანიპულაცია მკერდის და საშვილოსნოს ზონასთან. ტყუილის თქმა.

24 თებერვალი (16:22-დან), მთვარე ლომის ზოდიაოქში გადაბრძანდება. მოიმატებს შემოქმედებითი განწყობა, რაიმეს კეთების სურვილი. გავუფრთხილდეთ გულს. არ გადაიღალოთ. მოიმატებს ფლირტის სურვილი. ვუფრთხილდებით გულს.
კარგია - ზურგის გავარჯიშება, სუნთქვითი ვარჯიშები. ფუტკრის ნაწარმზე დამზადებული კრემების გამოყენება. თმის შეჭრა, რომ მოცულობასა და სიგრძეში სწრაფად გაიზარდოს.
ცუდია - ყურების გახვრეტა, ორთქლის აბანო, სახის გაწმენდა. მარილიანი პროდუქების ჭამა.

26 თებერვალი (21:07-ზე) მთვარე ქალწულს ესტუმრება. მოიმატებს შრომისუნარიანობა. მეტად გამოიჩენთ ყურადღებას ჯანმრთელობის მიმართ. მოსაფრთხილებლია ნაწლავები. ეცადეთ, სწორად იკვებოთ. კარგია სახლის, პირადი ნივთების დალაგება. ჯანსაღი საკვების მიღება. დღის რეჟიმის დაცვა, გამწმენდი პროცედურების ჩატარება, პილინგი, ფიტოთერაპია.
ცუდია - მუცლის პლასტიკა, მუცლის ღრუში ქირურგიული ჩარევა. წვრილმანებზე ყურადღების გამახვილება. მუცლის ვარჯიშების შესრულება.

წყარო: marao.ge
477
3 წლ, 1 თ წინ