მსხვერპლი მოჰყვა ხანძარს ვარკეთილში - დაღუპულია 60 წლამდე ასაკის მამაკაცი. დაშავებულები არ არიან.

ცეცხლი მესამე მასივში, დაახლოებით 1 საათის წინ საცხოვრებელი კორპუსის მე-7 სართულზე გაჩნდა და შემდგომ მე-6 და მ-8 სართულებს გადაედო.

ცეცხლის გაჩენის შემდგომ დროულად მოხდა ადგილობრივების ევაკუაცია და ისინი ეზოში გამოიყვანეს.

თვითმხილველების და მეზობლების განცხადებით, ხანძარი სავარაუდოდ სიგარეტის ნამწვმა გამოიწვია, თუმცა რა გახდა უფრო კონკრეტულად ხანძრის გამომწვევი მიზეზი - მოგვიანებით გახდება ცნობილი.

ამ დროისთვის ადგილზე ერთი სამაშველო ბრიგადა არის მობილიზებული, თუმცა ხანძრის დროს ადგილზე 9 სახანძრო ეკიპაჟი მუშაობდა. ასევე ადგილზე მობილიზებულები იყვნენ სამართალდამცავები და სასწრაფო სამედიცინო დახმარების ბრიგადაც.