ან საზოგადოებას ატყუებს, ან პოლიტიკურ ჰალუცინაციასთან გვაქვს საქმე - არჩილ თალაკვაძე
პარლამენტის თავმჯდომარე არჩილ თალაკვაძე აცხადებს, რომ კანონი "ნაციონალური მოძრაობის" თავმჯდომარის, ნიკა მელიას მიმართ ისეთივე სამართლიანი იქნება, როგორიც ნებისმიერი სხვა მოქალაქის შემთხვევაში.
ამით არჩილ თალაკვაძე გამოეხმაურა მელიას ბოლოდროინდელ განცხადებებს იმის შესახებ, რომ გირაოს თანხის გადახდას არ აპირებს.
"მას ერთ შემთხვევაში, ჰგონია, რომ საზოგადოებას მოატყუებს, თუ მისი მხარდამჭერები აპირებენ, რომ გვერდიდან გადაუხადონ გირაო, ან, მეორე შემთხვევაში, როდესაც პოლიტიკურ ჰალუცინაციასთან გვაქვს საქმე, თუ მას ჰგონია, რომ კანონში ნიკა მელია ცალკეა ჩაწერილი და მართლმსაჯულება მას განსაკუთრებულად მიუდგება, მინდა გითხრათ, რომ მართლმსაჯულება იქნება მის მიმართ ისეთივე სამართლიანი, როგორიც არის სხვა, ყველა მოქალაქის შემთხვევაში,"-განაცხადა არჩილ თალაკვაძემ.
შეგახსენებთ, რომ დღეს იწურება ვადა, როდესაც "ერთიანი ნაციონალური მოძრაობის" თავმჯდომარე ნიკა მელიამ მისთვის შეფარდებული გირაო - 40 ათასი ლარი უნდა გადაიხადოს. წინააღმდეგ შემთხვევაში, პროკურატურა მისთვის შეფარდებული აღკვეთის ღონისძიების სახის პატიმრობით შეცვლის შუამდგომლობას დააყენებს.
შესაბამისი შუამდგომლობის დაყენების შესახებ გამაფრთხილებელი განცხადება გენერალურმა პროკურატურამ საჯაროდ, ზუსტად ერთი კვირის წინ გაავრცელა და ბრალდებულს მოსაფიქრებლად დრო 7 დღით განუსაზღვრა.
ამით არჩილ თალაკვაძე გამოეხმაურა მელიას ბოლოდროინდელ განცხადებებს იმის შესახებ, რომ გირაოს თანხის გადახდას არ აპირებს.
"მას ერთ შემთხვევაში, ჰგონია, რომ საზოგადოებას მოატყუებს, თუ მისი მხარდამჭერები აპირებენ, რომ გვერდიდან გადაუხადონ გირაო, ან, მეორე შემთხვევაში, როდესაც პოლიტიკურ ჰალუცინაციასთან გვაქვს საქმე, თუ მას ჰგონია, რომ კანონში ნიკა მელია ცალკეა ჩაწერილი და მართლმსაჯულება მას განსაკუთრებულად მიუდგება, მინდა გითხრათ, რომ მართლმსაჯულება იქნება მის მიმართ ისეთივე სამართლიანი, როგორიც არის სხვა, ყველა მოქალაქის შემთხვევაში,"-განაცხადა არჩილ თალაკვაძემ.
შეგახსენებთ, რომ დღეს იწურება ვადა, როდესაც "ერთიანი ნაციონალური მოძრაობის" თავმჯდომარე ნიკა მელიამ მისთვის შეფარდებული გირაო - 40 ათასი ლარი უნდა გადაიხადოს. წინააღმდეგ შემთხვევაში, პროკურატურა მისთვის შეფარდებული აღკვეთის ღონისძიების სახის პატიმრობით შეცვლის შუამდგომლობას დააყენებს.
შესაბამისი შუამდგომლობის დაყენების შესახებ გამაფრთხილებელი განცხადება გენერალურმა პროკურატურამ საჯაროდ, ზუსტად ერთი კვირის წინ გაავრცელა და ბრალდებულს მოსაფიქრებლად დრო 7 დღით განუსაზღვრა.
601 ნახვა
12-02-2021, 11:40
