გარემოს დაბინძურების შემცირების მიზნით საქართველოში პოლიეთილენის პარკების წარმოების, იმპორტის და რეალიზაციის აკრძალვის მიუხედავად, კომპანიები კანონს მაინც არღვევენ.

გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა პარკების მწარმოებელი 32 კომპანია შეამოწმეს და მილიონ ნახევრამდე პარკი დალუქეს.

მასალები, შემდგომი რეაგირების მიზნით, შესაბამის უწყებაში გადაიგზავნება.