ოპოზიცია მოლაპარაკების მეხუთე რაუნდისთვის მზად არის
მმართველი გუნდის ოპონენტები ამბობენ, რომ უფლებამოსილების არ შეწყვეტით ხელისუფლებამ მოლაპარაკებისთვის გზა დატოვა, თუმცა ამ დრომდე შემხვედრი ნაბიჯი არ გადაუდგამთ. მათივე თქმით, თუ ასე გაგრძელდება, ოპოზიცია ქუჩის აქციებისთვის მოემზადება და კონსტიტუციით მინიჭებულ ყველა უფლებას გამოიყენებს.
"სწორედ არჩევნების იდეის გადასარჩენად არის საჭირო შეთანხმება ვადამდელ ნორმალურ არჩევნებზე და სანამ ეს პოზიცია არ აქვს ჯერ გაცნობიერებული ივანიშვილის ამ პოლიტიკური კლოუნების გარემოცვას, მანამდე ჩვენ არ გვაქვს წინადადება ვიფიქროთ, რომ პროგრესი გვექნება,“ - განაცხადა გიგა ბოკერიამ.
"ერთიანი ნაციონალური მოძრაობის” პოლიტიკური საბჭოს წევრის თინა ბოკუჩავას თქმით, თუ ხელისუფლებას სურს, შეთანხმება შესაძლებელი გახდეს, ოპოზიციის მოთხოვნები უნდა გააცნობიეროს.
"ივანიშვილის სამომლაპარაკებლო პოზიცია იმ მოთხოვნებთან დაკავშირებით, რასაც ოპოზიცია აყენებს, არის უცვლელი. თუ მას სურს, რომ გაიხსნას მოლაპარაკების ფანჯარა და გახდეს მართლაც შეთანხმება შესაძლებელი, უნდა გაიაზროს, რომ ოპოზიციას აქვს ლეგიტიმური მოთხოვნები, მათ შორის ვადამდელ არჩევნებთან დაკავშირებით,“ - განაცხადა თინა ბოკუჩავამ.
განსხვავებული პოზიცია აქვთ "გირჩში", ისინი სხვა ოპოზიციური პარტიებისგან გასხვავებით, ხელისუფლებასთან გარიგების ერთადერთ გზად პროპორციულ არჩევნებს ასახელებენ, წინააღმდეგ შემთხვევაში სადეპუტატო მანდატებზე ისინიც უარს იტყვიან.
"ქართულმა ოცნებამ" უნდა დადოს ის, რაც ჯერ კიდევ ივანიშვილი შეგვპირდა - პროპორციული უბარიერო არჩევნები და ოპოზიციამ ამ შემთხვევაში უნდა დაინახოს, რომ ეს უფრო მნიშვნელოვანია. ადამიანები, რომლებიც ამ ცვლილებას დაინახავენ და ამ ცვლილების შანს დაინახავენ და არ შევლენ პარლამენტში მიუხედავად ამისა, ისინი არც იმსახურებენ მე მგონი პარლამენტარის წოდებას,“ - განაცხადა პოლიტიკური გაერთიანება ”გირჩის” წევრმა სანდრო რაქვიაშვილმა.
"სწორედ არჩევნების იდეის გადასარჩენად არის საჭირო შეთანხმება ვადამდელ ნორმალურ არჩევნებზე და სანამ ეს პოზიცია არ აქვს ჯერ გაცნობიერებული ივანიშვილის ამ პოლიტიკური კლოუნების გარემოცვას, მანამდე ჩვენ არ გვაქვს წინადადება ვიფიქროთ, რომ პროგრესი გვექნება,“ - განაცხადა გიგა ბოკერიამ.
"ერთიანი ნაციონალური მოძრაობის” პოლიტიკური საბჭოს წევრის თინა ბოკუჩავას თქმით, თუ ხელისუფლებას სურს, შეთანხმება შესაძლებელი გახდეს, ოპოზიციის მოთხოვნები უნდა გააცნობიეროს.
"ივანიშვილის სამომლაპარაკებლო პოზიცია იმ მოთხოვნებთან დაკავშირებით, რასაც ოპოზიცია აყენებს, არის უცვლელი. თუ მას სურს, რომ გაიხსნას მოლაპარაკების ფანჯარა და გახდეს მართლაც შეთანხმება შესაძლებელი, უნდა გაიაზროს, რომ ოპოზიციას აქვს ლეგიტიმური მოთხოვნები, მათ შორის ვადამდელ არჩევნებთან დაკავშირებით,“ - განაცხადა თინა ბოკუჩავამ.
განსხვავებული პოზიცია აქვთ "გირჩში", ისინი სხვა ოპოზიციური პარტიებისგან გასხვავებით, ხელისუფლებასთან გარიგების ერთადერთ გზად პროპორციულ არჩევნებს ასახელებენ, წინააღმდეგ შემთხვევაში სადეპუტატო მანდატებზე ისინიც უარს იტყვიან.
"ქართულმა ოცნებამ" უნდა დადოს ის, რაც ჯერ კიდევ ივანიშვილი შეგვპირდა - პროპორციული უბარიერო არჩევნები და ოპოზიციამ ამ შემთხვევაში უნდა დაინახოს, რომ ეს უფრო მნიშვნელოვანია. ადამიანები, რომლებიც ამ ცვლილებას დაინახავენ და ამ ცვლილების შანს დაინახავენ და არ შევლენ პარლამენტში მიუხედავად ამისა, ისინი არც იმსახურებენ მე მგონი პარლამენტარის წოდებას,“ - განაცხადა პოლიტიკური გაერთიანება ”გირჩის” წევრმა სანდრო რაქვიაშვილმა.
637 ნახვა
4-02-2021, 00:39
