მოლაპარაკების კარი ღიაა - იმ პარტიებს, რომელთაც "ქართული ოცნება" დესტრუქციულ ძალად არ განიხილავს, კიდევ ერთხელ მიმართავს და პარლამენტში შესვლასთან დაკავშირებით გონივრული გადაწყვეტილების მიღებისკენ მოუწოდებს.

"ქართული ოცნება ნებისმიერ ეტაპზე მზად იყო, არის და იქნება ყველა ჯანსაღად მოაზროვნე და კონსტრუქციულად განწყობილ პოლიტიკურ ოპონენტთან მოლაპარაკებაზე, რომელიც იმ წითელ ხაზებს არ გადაკვეთს, რაზეც უკვე არა ერთხელ ვისაუბრეთ. ჩვენ დარწმუნებული ვართ, რომ დარჩენილ დეპუტატებს შორის არიან ის ადამიანები, რომლებსაც შეუძლიათ დაძლიონ ის ბულინგი, რომლის მსხვერპლიც ისინი აღმოჩდნენ და გადადგან კონსტრუქციული ნაბიჯი ქვეყნის საკეთილდღეოდ," - განაცხადა პარლამენტის ფრაქცია "ქართული ოცნების" თავმჯდომარის პირველი მოადგილემ, გივი მიქანაძემ.

საქართველოს პარლამენტის თავმჯდომარის პირველი მოადგილე, გიორგი ვოლსკი კი აცხადებს, რონ ხელისუფლებას აქვს ვალდებულება, ნებისმიერ ოპოზიცურ ძალასთან დაჯდეს მოსალაპარაკებლად, თუ ეს არ ემსახურება რაიმე დესტრუქციულ პროცესების განვითარებას.

"გარკვეული შეთანხმება დაიდო, რასაც ხელი მოაწერა "ქართულმა ოცნებამ", ხელი მოაწერა "მოქალაქეთა" გაერთიანებამ და იგი ღიაა ნებისმიერი პოლიტიკური სუბიექტისთვის ხელმოსაწერად," - განაცხადა გიორგი ვოლსკიმ.

შეგახსენებთ, გუშინ მმართველი პარტიის თავმჯდომარემ განაცხადა, რომ ოპოზიციაში დაახლოებით, 20-მდე პირია, ვისაც პარლამენტში შესვლა სურს, თუმცა ამას შანტაჟისა და ბულინგის გამო არ აკეთებს.