"დემოკრატებმა" "რესპუბლიკელი" სენატორების მოთხოვნა დააკმაყოფილეს. დონალდ ტრამპს იმპიჩმენტის პროცესისთვის მოსამზადებლად დროს მისცემენ. მსჯელობა სავარაუდოდ რვა თებერვლიდან დაიწყება. კონგრესი დოკუმენტს, რომელიც ქვეყნის 45-ე პრეზიდენტის წინააღმდეგ წაყენებულ ბრალდებას შეიცავს, სენატს 25 იანვარს გადასცემს.

შეერთებული შტატების კონგრესის ქვედა პალატამ დონალდ ტრამპის იმპიჩმენტის შესახებ 13 იანვარს გამოაცხადა. მას ექვს იანვარს კაპიტოლიუმზე თავდასხმის წაქეზებაში ადანაშაულებენ.