"პატრიოტთა ალიანსის" პარტიულ სიაში მყოფი 4 პირის გადაწყვეტილებას, რომლებიც პოლიტიკური ძალის მხრიდან ბოიკოტის მიუხედავად, პარლამენტში მაინც შევიდნენ, პარტიის ლიდერი ირმა ინაშვილი გამოეხმაურა.

მისი თქმით, პარტიის გადაწყვეტილება კვლავ უცვლელია და "პატრიოტთა ალიანსი" გაყალბებულ პარლამენტში შესვლას არ აპირებს. რაც შეეხება აღნიშნულ პირებს, მათ ახალი პარტიის შექმნის სრული უფლება აქვთ:

"პოლიტიკური პარტია "საქართველოს პატრიოტთა ალიანსი" ამბობდა და დღესაც ამბობს, რომ არ შევა გაყალბებული გზით ფორმირებულ პარლამენტში. არ ვიცი ყველა ეს ბიზნესმენი ერთად ქმნის ერთ პარტიას თუ არა. მარტო ბატონი ფრიდონის განცხადებას გავეცანი, რომელიც ამ ახალ პარტიაზე საუბრობს. ამ ბიზნესმენებსაც, შესაბამისად, უფლება აქვთ დააფუძნონ ან პოლიტიკური პარტია და არასამთავრობო ორგანიზაცია. მე, არ ვარ ირაკლი კობახიძე-ძერჟინსკი, რომელიც დარწმუნებული ვარ, რომ მიეცეს საშუალება პოლიტიკური პარტიების შესახებ კანონმდებლობასაც შეცვლის და აგიკრძალავთ პოლიტიკური პარტიის შექმნას," - განაცხადა ირმა ინაშვილმა.