მეხუთე რაუნდისთვის მზადყოფნას გამოთქვამენ მმართველ გუნდში. "ქართულ ოცნებაში" აცხადებენ, რომ ხელახალი არჩევნები არ ჩატარდება, ოპოზიციურმა სპექტრმა არჩევნების სამართლიან გარემოში ჩატარება უნდა აღიაროს და საპარლამენტო ცხოვრებას დაუბრუნდეს.

"უნდა ვისაუბროთ ოპოზიციის სხვადასხვა ფრთაზე. ერთი, რომელიც საღად აზროვნებს და საღად ეკიდება იმ საკითხებს, რომელიც დაკავშირებულია პარლამენტში შესვლასთან, ალბათ მათი გეგმები განსხვავდება იმათგან, რაც შეიძლება დესტრუქციულ ფრთას ჰქონდეს დღის წესრიგში. გამიჭირდება მათი გეგმების გამოთვლა, უნდა დაველოდოთ,"- აცხადებს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე მიხეილ სარჯველაძე.