შემოდგომის ბოლო თვე იშვიათად გაგვანებივრებს სითბოთი და მზიანი ამინდებით, მაგრამ სასიამოვნო და რომანტიკული სიურპრიზები ნამდვილად გველოდება. მარტოხელებს ელოდებათ რომანტიკული ნაცნობობა, შეყვარებულებს კი საყვარელი მამაკაცი დაქორწინებას, თანაცხოვრებას ან ურთიერთობის გასერიოზულებას შემოგთავაზებთ.

ვერძი
მარტოხელებისთვის: თქვენ კვლავ ირწმუნებთ სიყვარულს. კვლავ მოგინდებათ ღრუბლებში ფრენა, წვიმაში სეირნობა. შეიძლება ლექსების წერაც კი დაიწყოთ. რომანტიკა ქარიშხალივით შემოიჭრება თქვენს ცხოვრებაში. შეიძლება ერთდროულად რამდენიმე რომანიც კი გააჩაღოთ, მაგრამ სერიოზულ ურთიერთობას მხოლოდ ღირსეულთან გააბამთ.
რჩევა: შეიძლება ის ადამიანი დღესაც თქვენ გვერდითაა. თავადაც გაოცდებით, როცა მას
თავიდან აღმოაჩენთ.
დაწყვილებულებისთვის: კოფლიქტურობა და დაძაბულობა მეუღლესთან შუა ნოემბრიდან უფრო თვალში საცემი გახდება. საჭიროა მიხვდეთ, რომ წვრილმანების გამო არ ღირს ჩხუბი. ხშირად ჩაეხუტეთ მეუღლეს და აგრძნობინეთ, რომ ერთმანეთისთვის ხართ შექმნილები.
რჩევა: უამინდობის გამო ნუ ჩაიკეტებით შინ. შეხვდით მეგობრებს, გაიხსენეთ ძელი ჰობი. გამოავლინეთ თქვენი დადებითი ემოციები.

კურო
მარტოხელებისთვის: ნოემბერში სულ უფრო მეტად მოგინდებათ რომანტიკული ურთიერთობების დაწყება და სასურველი კანდიდატი შეიძლება კოლეგებს შორის აღმოაჩინოთ. დაივიწყეთ წარსული წყენები, მაგრამ მიღებული გამოცდილება გახსოვდეთ.
რჩევა: იყავით მიმზიდველი, როცა სტუმრად ან წვეულებაზე მიდიხართ. მამაკაცების მზერა თავდაჯერებულობას დაგიბრუნებთ. ცოტა ხანში კი კვლავ იგრძნობთ თავს სასურველ და მოსიყვარულე ქალად.
დაწყვილებულებისთვის: თუ ხვდებით, რომ გრძნობაში ბზარი გაჩნდა და ეს ადამიანი თქვენი ცხოვრებიდან გასაშვებად არ გემეტებათ, იყავით მეტად მზრუნველი მის მიმართ. დაიწყეთ ერთად იმის კეთება, რაც აქამდე ერთად არ გაგიკეთებიათ (თუნდაც, პარაშუტიდან გადმოხტომა).
რჩევა: შეიცვალეთ იმიჯი, იყავით მზრუნველი და ქმარიც აიძულეთ, რომ იზრუნოს თქვენზე. თქვენ თავიდან უნდა აღმოაჩინოთ და შეიყვაროთ ერთმანეთი.

ტყუპი
მარტოხელებისთვის: პირად ფრონტზე შტორმი გელოდებათ, მაგრამ სად გადაგისვრით, მხოლოდ თქვენზეა დამოკიდებული. დარწმუნდით, რომ თქვენი გრძნობა ორმხრივია, ნუ იქნებით ვარდისფერი სათვალით ღრუბლებში მოფარფატე, რათა მერე იმედგაცრუებული არ დარჩეთ. თუ პიროვნების გულწრფელობაში დარწმუნებული არ ხართ, გულს ნუ გადაუშლით, დაელოდეთ დეკემბერის დასაწყისს.
რჩევა: გადაერთეთ სამუშაოზე, აღარ დააგვიანოთ საქმიან შეხვედრებზე, დროულად დაასრულეთ პროექტები. მეტად გამოავლინეთ თქვენი თავი კარიერაში, სიყვარული კი არსად გაგექცევათ.
დაწყვილებულებისთვის: სიცივეების დაწყებისას ბუდის დათბობის სურვილი გაგიჩნდებათ. შეიძლება ინტერიერის შეცვლა, ფარდების განახლება მოგინდეთ. მთავარია, არ გადაამეტოთ და შინ დაბრუნებულ მეუღლეს თავი სხვის ბინაში არ ეგონოს.
რჩევა: ჰარმონიული გარემო შეიქმენით. შეგიძლიათ ექსპერიმენტი ჩაატაროთ: შეიცვალოთ თმის ფერი, ჩაცმის სტილი. ლამაზი დაუბრუნდით მეუღლეს.

კირჩხიბი
მარტოხელებისთვის: ცვლილებებისთვის მოემზადეთ პირად ცხოვრებაში. ვარსკვლავები თქვენს მხარეზე არიან. მათ უნდათ, რომ ბედნიერი იყოთ. ნუ ტკეპნით ერთ ადგილს, გააქტიურდით.
რჩევა: შეხვდით თქვენთვის საინტერესო ადამიანებს. თუ ფლირტი რომანში არ გადაიზრდება და ქორწინებით არ დაგვირგვინდება, დროს სასიამოვნოდ მაინც გაატარებთ.
დაწყვილებულებისთვის: შეიძლება თავადაც ხვდებით, რომ მეუღლის მიმართ ისეთი მზრუნველი და მოსიყვარულე აღარ ხართ, როგორც ადრე. მასაც ჰგონია, რომ გაცივდით მის მიმართ.
რჩევა: სასურველია, თქვენი პარტნიორი მიხვდეს, ვინ ხართ თქვენ მისთვის და დაგაფასოთ, როგორც ლამაზი ქალი და არა მზარეული და მრეცხავი.

ლომი
მარტოხელებისთვის: ნოემბერს სიცივე მოაქვს ქუჩაში და ვნების ცეცხლი - გულებში. შეიძლება სიყვარულის გამო მსხვერპლის გაღებამ მოგიწიოთ ან კომფორტის ზონიდან გამოსვლამ. მოძებნეთ ძალა, რომ წარსულში დატოვოთ ყველაფერი ძველი, ყოფილი საყვარელი ადამიანი... და პირადი ცხოვრება დაგილაგდებათ.
რჩევა: ახალგაცნობილ მამაკაცს თქვენი საუკეთესო თვისებები და ღირსებები დაანახვეთ. ნუ ეცდებით მხოლოდ გარეგნობით მის მოხიბვლას.
დაწყვილებულებისთვის: გადახედეთ თქვენს ურთიერთობას. შეიძლება ხანდახან არ იყოთ მართალი მეუღლესთან მიმართებაში და ეცადეთ, გამოასწოროთ. ნუ ცდილობთ მის გაკონტროლებას ყველა სფეროში. გადადგით პირველი ნაბიჯი, რომ თქვენი ურთიერთობა მეტად რომანტიკული და თბილი გახდეს.
რჩევა: წარსულში დატოვეთ ყველა ნეგატივი და იყავით მოსიყვარულე, მზრუნველი საყვარელი მამაკაცის მიმართ. ზოგიერთმა შეიძლება საერთო ჰობი გამონახოს, თუნდაც დილაობით ერთად ივარჯოთ.

ქალწული
მარტოხელებისთვის: თქვენს გულში ჰარმონიამ და სტაბილურობამ დაისადგურა. საკუთარ გრძნობებს პირველ შემხვედრს კი არა, ღირსეულ კანდიდატს გაუზიარებთ, ვისთანაც ხანგრძლივ კავშირს შექმნით. მოძებნეთ ის ძველ მეგობრებსა და ნაცნობებს შორის.
რჩევა: იყავით თავდაჯერებული, ვიზუალურად მიმზიდველი და პოტენციურ კანდიდატს მოეწონებით, მისთვის სასურველი იქნებით.
დაწყვილებულებისთვის: თუ კავშირს მხოლოდ იმიტომ ინარჩუნებთ, რომ მარტო არ დარჩეთ, ეს კარგს არაფერს მოგიტანთ. ან ცხოვრების ახალი კარი უნდა შეაღოთ, ან გააუმჯობესოთ ის, რც უკვე გაქვთ.
რჩევა: მეტი დრო დაუთმეთ თვითგანვითარებას: ისწავლეთ უცხო ენები; ჩაეწერეთ ფოტოგრაფიის, ცეკვის კურსებზე.

სასწორი
მარტოხელებისთვის: მოიმატებს თქვენი ქარიზმა და მამაკაცებისთვის მეტად მიმზიდველი გახდებით. ხანმოკლე ფლირტის გამო დიდი რომანის დაწყებაზე უარი არ თქვათ, რაც შეიძლება ძლიერი და ხანგრძლივი ქორწინებით დაგვირგვინდეს.
რჩევა: რესტორანში პაემანი კარგი იდეა არაა. უმჯობესია, მამაკაცს მეგობრულ შეხვედრაზე შეხვდეთ ან ბუნებაში გაისეირნოთ.
დაწყვილებულებისთვის: რაღაც მომენტში ყველაფრისგან შორს გაქცევა მოგინდებათ, ურთიერთობებისგანაც კი. ეცადეთ, ნაკლებად დაიტვირთოთ თავი ვალდებულებებით და მეტად სასიამოვნო საქმიანობით, კიდევ უფრო რომ არ შეიძულოთ გარშემო ყველაფერი.
რჩევა: ცუდი პერიოდი მალე გადაივლის და საყვარელი ადამიანის მიმართ ისევ დათბებით. მანამდე კი ფრთხილად, ეკლები დამალეთ.

მორიელი
მარტოხელებისთვის: ტკბილი ნოემბერი დაგიდგათ, რომანტიკული შეხვედრებითა და ჰეფი-ენდით. შეყვარებულობის, ჯადოსნურობის პერიოდში იქნებით. ერთმანეთს ხშირად შეცვლის ვნება და ეჭვიანობა.
რჩევა: ღრმა და საპასუხო გრძნობა გელით პარტნიორისგან. ნუ ეძებთ ყველგან საფრთხეს, ისწავლეთ ცხოვრებით ტკბობა.
დაწყვილებულებისთვის: თუ ყველა წვრილმანს არ გამოეკიდებით და პარტნიორთან არ იკამათებთ, ნოემბერი მართლაც ტკბილი იქნება. საკუთარი სიმართლის მუდამ ჯიუტად დამტკიცება სიკეთეს არ მოგიტანთ.
რჩევა: იყავით მეტად მოსიყვარულე, საყიდლებზეც კი ერთად წადით და ელაპარაკეთ ერთმანეთს, ელაპარაკეთ სიყვარულით.

მშვილდოსანი
მარტოხელებისთვის: მოგინდებათ სწრაფად მოიგოთ მოწონებული მამაკაცის გული და სირთულეების გადალახვასაც კი არ შეუშინდებით. შეიძლება გაიზიაროთ მისი ინტერესები, გატაცებები. ცოტა ხანში კი აღმოაჩინოთ, რომ ასეთი კაცი საერთოდ არ გჭირდებათ.
რჩევა: სანამ გრძნობებში თავით გადაეშვებით, მხოლოდ ერთი წუთით დაფიქრდით, რას მოგიტანთ ის თქვენ. დატკბით რომანტიკული მომენტებით, მაგრამ თავს ნუ დაკარგავთ.
დაწყვილებულებისთვის: მესაკუთრეობა მოიმატებს. მოგინდებათ პარტნიორის კონტროლი, მისთვის თავისუფლების შეზღუდვა. ეცადეთ, არ დაარღვიოთ მეუღლის პირადი სივრცე.
რჩევა: ისე განაწყვეთ პარტნიორი, რომ მას გაუჩნდეს თქვენთან დროის გატარების სურვილი. საინტერესო მოვლენებით, მგზავრობებით დაგეგმეთ უქმეები.

თხის რქა
მარტოხელებისთვის: ნუ ელოდებით, სანამ მეგობრები ვინმეს გაგაცნობენ. თავად უნდა გამოიჩინოთ ინიციატივა და გაეცნოთ მამაკაცს, რომელიც დიდი ხანია მოგწონთ, ან თუნდაც ქუჩაში გამვლელს... როცა დაინახავთ, რომ ერთმანეთის შესაფერისები ხართ, კიდევ უფრო მეტად მიუახლოვდით.
რჩევა: ერთი შეხედვით ადამიანს კარგად ვერ შეაფასებთ. რაც უფრო კარგად გაიცნობთ, მით მეტ ღირსებას აღმოაჩენთ მასში.
დაწყვილებულებისთვის: პირად სფეროში სასიამოვნო ცვლილებები გელით. ყველა კონფლიქტი გაქრება და სიყვარულითა და ერთმანეთით ტკბობისთვის დაგრჩებათ დრო. საყვარელ მამაკაცს მოუმზადეთ სიურპრიზები, რომანტიკული საღამოები.
რჩევა: რუტინა ყველაფერს ანადგურებს, თავგადასავლები და ავანტიურა კი აცოცხლებს ადამიანებსაც და გრძნობებსაც.

მერწყული
მარტოხელებისთვის: სურვილი გაგიჩნდებათ, ცხოვრება მხოლოდ ერთ კონკრეტულ მამაკაცს მიუძღვნათ და წარსულში დატოვოთ ერთდღიანი რომანები და გულგატეხილი პარტნიორები. ეცადეთ, თქვენი გრძნობების ობიექტი ღირსეული ადამიანი იყოს.
რჩევა: პირადი ცხოვრება პირველ ადგილზე დააყენეთ, ყველაფერ დანარჩენს ისედაც ეშველება.
დაწყვილებულებისთვის: საოჯახო საქმეები და უფროსი ნათესავების რჩევები ისე მოგბეზრდებათ, რომ აღარც საყვარელი ადამიანის დანახვა გამოგისწორებთ განწყობას.
რჩევა: რომანტიკული სიყვარული, - ყვავილების ჩუქება და ხელიხელჩაკიდებული სეირნობა მთვარის შუქზე მხოლოდ ფილმებსა და წიგნებშია. რეალობა კი ყველასთვის განსხვავებულია. დააფასეთ ადამიანი არა მისი სიტყვებით, არამედ ქმედებით.

თევზები
მარტოხელებისთვის: უამრავი შანსი მოგეცემათ, რომ გაიუმჯობესოთ პირადი ცხოვრება. მთავარია, მოინდომოთ. საინტერესო შეხვედრებიც გელოდებათ, რომანტიკული ნაცნობობაც და მოულოდნელი სტუმრებიც, ყველაფერი კი შეიძლება თანაცხოვრებაში გადაიზარდოს.
რჩევა: არ გაუშვათ შანსი, რომ ჩაიცვათ ახალი კაბა ან გაიკეთოთ ახალი აქსესუარი. ყოველდღე იყავით მზად საბედოსთან შესახვედრად.
დაწყვილებულებისთვის: შინ მეტად უნდა შექმნათ სიმყუდროვე და ჰარმონიული გარემო. თუ ხვდებით, რომ ყოველდღიურმა რუტინამ რომანტიკა განდევნა თქვენი ცხოვრებიდან, გახდით პარტნიორისთვის მზრუნველი, გაანებივრეთ რომანტიკით. შამპანურის გახსნის მიზეზი თქვენი ერთად ყოფნაა.
რჩევა: ხშირად მოამზადეთ რომანტიკული ვახშამი ერთად. უქმეებზე გაემგზავრეთ ექსკურსიაზე; ეწვიათ სპა ან მასაჟ-ცენტრს.

წყარო: marao.ge