მართლმსაჯულების სისტემის მარცხი და პოლიტიკური ანგარიშსწორების მცდელობა
მართლმსაჯულების სისტემის მარცხი და პოლიტიკური ანგარიშსწორების მცდელობა - ასე აფასებენ ოპოზიციური პარტიის ლიდერები ნიკა მელიას წინააღმდეგ სასამართლოს მიერ მიღებულ გადაწყვეტილებას.
ოპოზიციის ნაწილის განცხადებით, სასამართლომ ამ ნაბიჯით კიდევ ერთხელ დაადასტურა, რომ მართლმსაჯულება პოლიტიკური კონტროლის ქვეშაა.
რაც შეეხება თავად ნიკა მელიას, ის სასამართლოს გადაწყვეტილებას ტრაგიკულს უწოდებს და ნანობს, რომ ელექტრონული სამაჯური უფრო ადრე არ მოიხსნა.
"ვნანობ იმაზე, რომ უფრო ადრე არ მოვიხსენი ეს სამაჯური. თუ ისინი თვლიდნენ, რომ მე კანონი დავარღვიე, კანონს როდესაც არღვევ, მაშინ კანონი უნდა აღასრულებინოს სახელმწიფომ და სახელმწიფომ რა გააკეთა? სახელმწიფომ თქვა, რომ მელიას სამაჯური არ უნდა ეკეთოს და მხოლოდ გირაოს ნაწილში თანხის რაოდენობა გაზარდეს. ეს ტრაგიკული უფროა და არის ნერვების ომი," - განაცხადა ნიკა მელიამ.
"ერთიანი საქართველო - დემოკრატიული მოძრაობის” თავმჯდომარე, ნინო ბურჯანაძე ამბობს, რომ ხელისუფლებას ამჯერად ეყო გონიერება, რომ ვითარება არ დაემძიმებინა. ის ამბობს, რომ ოპოზიცია არ დაუშვებდა იმას, რომ ნიკა მელია ისევ "უკანონო დასჯის მსხვერპლი გამხდარიყო."
"ევროპული საქართველო - მოძრაობა თავისუფლებისთვის" პოლიტიკური საბჭოს წევრი, სერგი კაპანაძე კი მიიჩნევს, რომ სასამართლო პოლიტიკურ დაკვეთას მოერგო.
"ხვალ შეიძლება მაინც დაიჭირონ, უბრალოდ ამ კონკრეტულ მომენტში არ მიიჩნია საჭიროდ ამის გაკეთება. მარტივად რომ ვთქვათ, ჩვენ ყველანი ველით იმას, რომ ეს სასამართლო ნებისმიერ დროს იქნება გამოყენებული პოლიტიკურ ინსტრუმენტად, ნებისმიერი პოლიტიკური ლიდერის წინააღმდეგ და ის რომ ახლა ეს მელიას ვერ გაუბედეს, მეტყველებს იმაზე, რამდენად სუსტია ამ მოცემულ მომენტში ივანიშვილი. მას კარგად ესმის, რომ ახლა პოლიტიკური ლიდერის დაჭერა მისთვისვე იქნება უარესი," - განაცხადა სერგი კაპანაძემ.
შეგახსენებთ, სასამართლომ ნაწილობრივ დააკმაყოფილა ბრალდების მხარის მოთხოვნა და ნიკა მელიას გირაოს სახით 70 000 ლარი შეუფარდა. სასამართლოს გადაწყვეტილებითვე, ნიკა მელიას დამატებითი ვალდებულება დაეკისრა - მას საზღვრის კვეთაზე საგამოძიებო ორგანოსგან თანხმობა დასჭირდება.
ოპოზიციის ნაწილის განცხადებით, სასამართლომ ამ ნაბიჯით კიდევ ერთხელ დაადასტურა, რომ მართლმსაჯულება პოლიტიკური კონტროლის ქვეშაა.
რაც შეეხება თავად ნიკა მელიას, ის სასამართლოს გადაწყვეტილებას ტრაგიკულს უწოდებს და ნანობს, რომ ელექტრონული სამაჯური უფრო ადრე არ მოიხსნა.
"ვნანობ იმაზე, რომ უფრო ადრე არ მოვიხსენი ეს სამაჯური. თუ ისინი თვლიდნენ, რომ მე კანონი დავარღვიე, კანონს როდესაც არღვევ, მაშინ კანონი უნდა აღასრულებინოს სახელმწიფომ და სახელმწიფომ რა გააკეთა? სახელმწიფომ თქვა, რომ მელიას სამაჯური არ უნდა ეკეთოს და მხოლოდ გირაოს ნაწილში თანხის რაოდენობა გაზარდეს. ეს ტრაგიკული უფროა და არის ნერვების ომი," - განაცხადა ნიკა მელიამ.
"ერთიანი საქართველო - დემოკრატიული მოძრაობის” თავმჯდომარე, ნინო ბურჯანაძე ამბობს, რომ ხელისუფლებას ამჯერად ეყო გონიერება, რომ ვითარება არ დაემძიმებინა. ის ამბობს, რომ ოპოზიცია არ დაუშვებდა იმას, რომ ნიკა მელია ისევ "უკანონო დასჯის მსხვერპლი გამხდარიყო."
"ევროპული საქართველო - მოძრაობა თავისუფლებისთვის" პოლიტიკური საბჭოს წევრი, სერგი კაპანაძე კი მიიჩნევს, რომ სასამართლო პოლიტიკურ დაკვეთას მოერგო.
"ხვალ შეიძლება მაინც დაიჭირონ, უბრალოდ ამ კონკრეტულ მომენტში არ მიიჩნია საჭიროდ ამის გაკეთება. მარტივად რომ ვთქვათ, ჩვენ ყველანი ველით იმას, რომ ეს სასამართლო ნებისმიერ დროს იქნება გამოყენებული პოლიტიკურ ინსტრუმენტად, ნებისმიერი პოლიტიკური ლიდერის წინააღმდეგ და ის რომ ახლა ეს მელიას ვერ გაუბედეს, მეტყველებს იმაზე, რამდენად სუსტია ამ მოცემულ მომენტში ივანიშვილი. მას კარგად ესმის, რომ ახლა პოლიტიკური ლიდერის დაჭერა მისთვისვე იქნება უარესი," - განაცხადა სერგი კაპანაძემ.
შეგახსენებთ, სასამართლომ ნაწილობრივ დააკმაყოფილა ბრალდების მხარის მოთხოვნა და ნიკა მელიას გირაოს სახით 70 000 ლარი შეუფარდა. სასამართლოს გადაწყვეტილებითვე, ნიკა მელიას დამატებითი ვალდებულება დაეკისრა - მას საზღვრის კვეთაზე საგამოძიებო ორგანოსგან თანხმობა დასჭირდება.
531 ნახვა
4-11-2020, 00:10
