თუ ოპოზიცია მათივე ამომრჩევლის ინტერესების იგნორირებას მოახდენს და პარლამენტში შესვლაზე უარს იტყვის, ამისთვის მას სერიოზული პოლიტიკური ფასის გადახდა მოუწევს - მოვლენათა შესაძლო განვითარებაზე საუბრობენ მმართველ გუნდში.

"ქართული ოცნების" ლიდერები ამბობენ, რომ ასეთ შემთხვევაში ოპოზიციის გადაწყვეტილება ანტიდემოკრატიული იქნება და ოპონენტებს ადეკვატური ნაბიჯის გადადგმისკენ მოუწოდებენ.

"დიდი იმედი მაქვს, რომ საქართველოს პარლამენტი ოპონენტებთან ერთად დაიწყებს შეუფერხებლად მუშაობას. ჩვენ ჯერ კიდევ ერთი თვე გვაქვს წინ ამისთვის. თუ ოპოზიცია ვინც ზღვარი გადალახა უგულვებელყოფს საკუთარი მხარდამჭერებისა და საზოგადოების არჩევანს, ეს იქნება ანტიდემოკრატიული და ამაში ძალიან დიდი პოლიტიკურ ფასს გადაიხდის "ნაციონალური მოძრაობა" და სამწუხაროდ ის პარტიები, ვინც ნაციონალური მოძრაობისგან შანტაჟისგან თავის დაღწევას თავის დაღწევას ვერ შეძლებენ," - განაცხადა "ქართული ოცნების" ერთ-ერთმა წევრმა არჩილ თალაკვაძემ.

"ქართული ოცნების" წევრის ანრი ოხანაშვილის თქმით, ისინი პატივს სცემენ ყველას კონსტიტუციურ ფარგლებში გამოხატვის თავისუფლებას, თუმცა როგორც კი პროცესები კანონის ფარგლებს გასცდება, ადეკვატური რეაგირება მოჰყვება.