"ევროპული საქართველოს" წევრს თავს დაესხნენ. პარტიის წარმომადგენელი გარდაბნის საკრებულოდან ჰყვება, რომ დაპირისპირება სოფელ ყარაჯალარში ოქტაი სკანდარავასა და "ქართული ოცნების" მხარდამჭერებს შორის მოხდა.

გაბილ გასანოვი ყვება, რომ მომხდარს წინ უძღოდა მმართველი გუნდის აქტივისტების მხრიდან ოპოზიციის საარჩევნო პლაკატების ჩამოხევა.

დაზარალებული გვიან ღამით პოლიციაში გამოკითხვაზე გადაიყვანეს. მას ჩაუტარდა ექსპერტიზაც.

"ევროპული საქართველო" მომხდართან დაკავშირებით განცხადების გაკეთება დღეს აპირებს.

"ჩხუბი მოხდა პლაკატების გამო, "ქართული ოცნების" წევრები ხევდნენ ჩვენს პლაკატებს. ბევრნი იყვნენ თავს რომ დაესხნენ, ორმა სცემა. დამარტყესო და გაიქცნენო, ჰყვება, რის შემდეგადაც დაურეკა პოლიციას,"- განაცხადა გაბილ გასანოვმა.