ზუგდიდში საჯარო სკოლის მოსწავლეს კორონავირუსი დაუდასტურდა. როგორც სკოლის დირექტორმა ნინო გოგინავამ "კურიერს" უთხრა, ბავშვი მესამე კლასის მოსწავლეა და მიუხედავად იმისა, რომ მას თვითიზოლაციის რეკომენდაცია ჰქონდა, სკოლაში მაინც მოიყვანეს.

მისივე ინფორმაციით, კლასში სასწავლო პროცესი მთავარი შენობის მიღმა, სხვა შენობაში მიმდინარეობდა, რის გამოც ვირუსის გავრცელების შანსი მინიმალურია. გოგინავა ამბობს, რომ ვირუსის პრევენციის გამო სკოლაში სათანადო ზომები მიიღეს და სასწავლო პროცესი დისტანციის დაცვით მიმდინარეობდა.

სკოლა ახლა ჯანდაცვის ცენტრის რეკომენდაციებს ელოდება. სწორედ ამის შემდეგ გახდება ცნობილი, დაიხურება თუ არა კლასი და სკოლა.