"პატრიოტთა ალიანსში" მიაჩნიათ, რომ "ქართული ოცნება" ცდილობს ხელისუფლების ჩანაცვლებას და "ნაციონალურ მოძრაობას" კვლევებში მაღალ რეიტინგს უწერს. ამასთან დაკავშირებით "პატრიოტთა ალიანსის" წევრებმა დღეს ბრიფინგი გამართეს. "პატრიოტთა ალიანსი" ხვალ საპროტესტო აქციის გამართვას გეგმავს, სადაც მათი თქმით, არჩევნების დაგეგმილ გაყალბებას გააპროტესტებენ:

"ყველამ კარგად უნდა გაიაზროს, ჩვენ ვდგავართ რეალური საფრთხის წინაშე რომ მივიღოთ შერწყმული ნაციონალური-ევროსაქური-ქართული ოცნების მთავრობა თუ ვინმეს ეს პერსპექტივა ხიბლავს, მინდა გითხრათ, რომ ამომრჩევლების უმეტესობას ნამდვილად არ აქვს ამის სურვილი და ეს არაა ჩვენი ხალხის დაკვეთა, მოგვენდეთ ჩვენ, გააკეთეთ არჩევანი საკუთარი სამშობლოს და ხალხის სასარგებლოდ, დაუჯერეთ პატრიოტებს,"- განაცხადა "პატრიოტთა ალიანსის" წევრმა ნანა დევდარიანმა.