"ქართულ ოცნებაში" აცხადებენ, რომ ისინი კარგად ხედავენ ქვეყანაში ჯერ კიდევ მოუგვარებელ პრობლემებს და მათი საარჩევნო პროგრამა სრულად პასუხობს არსებულ ვითარების გამოსწორებას.

პარტიის გენერალურმა მდივანმა კახა კალაძემ განმარტა, რომ მათ პრიორიტეტად კვლავ ოკუპაცია და ეკონომიკური კრიზისი რჩება, რის მოსაგვარებლადაც ხელისუფლება ეფექტურად მუშაობას კვლავ გააგრძელებს.

"ყველა ვთანხმდებით იმაზე, რომ არსებობს გამოწვევები. ყველაზე დიდი გამოწვევა არის არსებული ეკონომიკური მდგომარეობა, ის რომ ჩვენი ქვეყნის ტერიტორიების ნაწილი ოკუპირებულია და მომდევნო წლების განმავლობაში მოგვიწევს ამ მიმართულებით მუშაობა. რა თქმა უნდა, ხელი უნდა შევუწყოთ მცირე და საშუალო ბიზნესის განვითარებას, დემოკრატიული პროცესების გაჯანსაღებას. ყველაფერი უნდა გავაკეთოთ, რომ რაც შეიძლება სწრაფად გავხდეთ იმ დიდი ოჯახის წევრი, რასაც ევროპა ჰქვია,"-განაცხადა კახა კალაძემ.

პარლამენტის თავმჯდომარე არჩილ თალაკვაძემ ყურადღება გაამახვილა საქართველოს ნატოში გაწევრიანების მნიშვნელობაზე და, ამასთან, განაცხადა, რომ საქართველო ევროკავშირს გაწევრიანების მოთხოვნით მიმართავს.

"ძალიან კარგად გვესმის, თუ რა საჭიროებები არსებობს, რომ არაერთი ოჯახი ჯერ კიდევ რჩება გაჭირვებასთან და უმუშევრობასთან პირისპირ. მათ სჭირდებათ სახელმწიფოს ქმედითი დახმარება. ჩვენ ამ ყველაფერს გავაკეთებთ. ჩვენ გვაქვს მტკიცე ურთიერთობები ჩვენს მეგობრებთან დაც საქართველოს არის სტრატეგიულ მზადყოფნაში, რომ საქართველო გაწევრიანდეს ნატოში. ასევე, გაცხადდა კიდევ ერთხელ, რომ საქართველო გააკეთებს განაცხადს ევროკავშირის წევრობაზე, რისთვისაც ჩვენ ფუნდამენტური რეფორმები გავატარეთ სხვადასხვა სფეროში. ეს საქმე გაგრძელდება,"- განაცხადა არჩილ თალაკვაძემ.