5 წლის ბავშვზე სექსუალურ ძალადობაში მხილებული კაცი დააკავეს. სამართალდამცველებმა ლაგოდეხის ერთ-ერთ სოფელში მცხოვრები 58 წლის კაცის ძებნა მას შემდეგ დაიწყეს რაც მის მიმართ გამამტყუნებელი განაჩენი დადგა.

შემთხვევა გასული წლის ზაფხულში მოხდა. მამაკაცი დააკავეს, თუმცა ის გურჯაანის საქალაქო სასამართლომ გაათავისუფლა. ოჯახმა მოგვიანებით სააპელაციო სასამართლოში იჩივლა, რომელმაც განაჩენი გუშინ შეცვალა. სააპელაციო სასამართლოს მოსამართლემ მამაკაცს 13 - წლიანი პატიმრობა განუსაზღვრა.

5 წლის გოგონას ვერსიით, ოჯახის ახლობელმა მამაკაცმა ის მოტყუებით საცხოვრებელი სახლის მეორე სართულზე საძინებელ ოთახში შეიყვანა და გაუპატიურება სცადა.