6 სექტემბრიდან სიყვარულისა და სილამაზის პლანეტა ვენერა ლომის ზოდიაქოში გადადის. ლომი - ეს არის გართობა, სიმდიდრე, მედიდურობა; ვენერა კი პარტნიორული ურთიერთობებია. ვინ მოგვწონს და ვინ არა, ამაზე აგებს პასუხს ვენერა. ახლა იგი მეფურ ნიშანში გადადის, სადაც მოუნდება საკუთარი თავის დედოფლად ქცევა. ნუ გაგიკვირდებათ, თუ ჩაცმულობაში მოიმატებს დახვეწილობა, ელეგანტურობა, სიმდიდრე. შეიძლება ყვითელ-წითელ ტონალობებს მიანიჭოთ უპირატესობა, ოქროსფერი სამკაულები გაიკეთოთ. ერთი სიტყვით, ვენერას ლომში ყოფნისას სამსახურშიც კი ისე გამოცხადდებით, როგორც წვეულებაზე.


ვენერა ლომის ზოდიაქოში დარჩება ორ ოქტომბრამდე და
ეს გვაძლევს შესაძლებლობას, რომ ამ პერიოდში გავაუმჯობესოთ დამოკიდებულება სასიყვარულო პარტნიორთან. ურთიერთობაში მოიმატებს რომანტიკა, სასიყვარულო თავგადასავალი, ფლირტი, საჩუქრები და სიურპრიზები. ადამიანებს მოუნდებათ მხიარულება, ცხოვრების ერთ დიდ დღესასწაულად გადაქცევა. მოიმატებს საკურორტო რომანების ალბათობა. და... ქალაქურისაც. ქალბატონებს სურვილი გაუჩნდებათ, სახლშიც კი მომხიბვლელები (ჩაცმულობა, მაკიაჟი) იყვნენ თავიანთი მამაკაცებისთვის. გაგიჩნდებათ სურვილი, განახორციელოთ შემოქმედებითი იდეები. მოგინდებათ თამაში და გართობა, სიმღერა და ცეკვა, ცხოვრებისგან სიამოვნების მიღება.

მარტოხელებს კი ვენერას ასეთი მდებარეობა გაძლევთ შანსს, რომ გაიცნოთ თქვენთვის სასიამოვნო ადამიანი და გააბათ მასთან ფლირტი. ვერ დაგპირდებით, რომ რომანი იქნება ხანგრძლივი და დაქორწინებით დაგვირგვინდება, მაგრამ დასამახსოვრებელი და აღმაფრთოვანებელი ნამდვილად იქნება. ჩვენ მიგითითებთ ადგილებს, სადაც რომანტიკული ნაცნობობა შეიძლება მოხდეს 6 სექტემბრიდან ორ ოქტომბრამდე და თავად განსაზღვრეთ, სად გირჩევნიათ წასვლა:

დღესასწაულები და წვეულებები;
გასართობი კომპლექსები;
სპორტული ღონისძიებები და არენა;
გამოფენები;
საბილიარდო;
საცეკვაო მოედანი;
კლუბი;
კარაოკე;
კაზინო;
იპოდრომი;
პლაჟი;
აკვაპარკი;
კურორტი;
თეატრი;
კინო;
კონცერტი;
ცირკი;
ბანკეტი;
საპრეზენტაციო წვეულება;
ექსკურსია;
საიუველირო სალონი;
მოდური ბუტიკი;
საბავშვო მოედნები;
შემოქმედებითი საღამოები;
შემოქმედებითი მასტერ-კლასები;
დასვენების პარკები;
საესტრადო წარმოდგენები და შოუები;
იახტ-კლუბი;
მოდების ჩვენება;
თამაშები და კვესტები.

წყარო: marao.ge