რაგბის კავშირის ვიცე-პრეზიდენტს მერაბ ბესელიას აღკვეთის ღონისძიების სახით პატიმრობა შეეფარდა. საქალაქო სასამართლოში აღკვეთის ღონისძიების შეფარდებაზე მსჯელობა დისტანციურ რეჟიმში გაიმართა.

ბრალდების მხარე მერაბ ბესელიასთვის პატიმრობის შეფარდებას მოითხოვდა, დაცვის მხარემ კი გირაოს სანაცვლოდ გათავისუფლების შუამდგომლობა დააყენა.

მერაბ ბესელიას ადვოკატის, პაატა მეხრიშვილის განცხადებით, ბესელია ჩადენილ დანაშაულს ნანობს და მზადაა გამოძიებასთან ითანამშრომლოს.

როგორც ვიცე პრეზიდენტის უფლებადამცველი აცხადებს, ის აღნიშნულ გადაწვეტილებას გაასაჩივრებს.

"როგორც ჩანს, მოსამართლემ ვერ შეაფასა ცივი გონებით და ვერ გასცდა საზოგადოებაში გამეფებულ აზრს და გამოიყენა აბსოლუტურად დაუსაბუთებლად და უკანონო, ყველაზე უფრო მკაცრი აღკვეთის ღონისძიება.

ჩვენ ამ საფრთხეების თავიდან ასაცილებლად, ბუნებრივია, ალტერნატივის სახით შევთავაზეთ ასევე გირაოს გამოყენება, რომელიც ასევე არ გაითვალისწინა სასამართლომ. ჩვენ ამ გადაწყვეტილებას აუცილებლად გავასაჩივრებთ სააპელაციო სასამართლოს საგამოძიებო კოლეგიაში და იმედი გვაქვს რომ ეს გადაწყვეტილება იქ შეიცვლება,“ - განაცხადა ადვოკატმა, პაატა მეხრიშვილმა.

შეგახსენებთ, მერაბ ბესელიას მორაგბე რამაზ ხარაზიშვილის ჯანმრთელობის განზრახ მძიმე დაზიანებას ედავებიან.