ევროკავშირი თურქეთის წინააღმდეგ ახალი სანქციების სიას შეადგენს. სანქციები სექტემბრის ბოლოდან იმ შემთხვევაში ამოქმედდება, თუ თურქეთი კვიპროსთან და საბერძნეთთან ტერიტორიულ დავებს არ მოაწესრიგებს.

ხმელთაშუა ზღვის შვიდმა ქვეყანამ კი საბერძნეთს და კვიპროსს მხარდაჭერა და სოლიდარობა გამოუცხადა. საფრანგეთის და საბერძნეთის ლიდერები პირისპირ შეხვედრაზე თავდაცვის სფეროში თანამშრომლობაზეც შეთანხმდნენ.

თურქეთის მმართველი პარტიის წარმომადგენლები კი ემანუელ მაკრონს კოლონიალისტური თამაშის წარმოებაში ადანაშაულებენ.