ჰაკერებმა, რომლებიც რუსეთთან, ირანსა და ჩინეთთან არიან დაკავშირებული, აშშ-ის პრეზიდენტ დონალდ ტრამპისა და მისი ოპონენტის, ჯო ბაიდენის საარჩევნო კამპანიებთან დაახლოებული პირები და ორგანიზაციები ამოიღეს მიზანში.

BBC-ის ინფორმაციით, ამის შესახებ მაიკროსოფტის მიერ გავრცელებულ განცხადებაშია ნათქვამი. გავრცელებული ინფორმაციით, თავდასხმებში ის რუსი ჰაკერებიც მონაწილეობენ, რომლებიც 2016 წლის საპრეზიდენტო არჩევნების დროს "დემოკრატების" კამპანიაში ჩაერივნენ. მედიის ინფორმაციით, კიბერთავდასხმების დიდი ნაწილი წარუმატებლად დასრულდა.