დეპუტატ ლევან გოგიჩაიშვილის კორონავირუსით დაინფიცირების მიუხედავად, პარლამენტი მუშაობას აგრძელებს. ყველა ის პირი, ვისაც ინფიცირებულთან 5 სექტემბრის შემდეგ კონტაქტი ჰქონდა, თვითიზოლაციაში გადავა და ტესტირება ჩაუტარდება.

მმართველი გუნდის განცხადებით, შემთხვევის გამო პარლამენტში ზომები კიდევ უფრო გამკაცრდება.

"ცნობილი გახდა, რომ ბატონ ლევანს დაუდასტურდა ვირუსი, ამიტომ ყველა, ვისაც მასთან ჰქონდა შემხებლობა, გაივლის ტესტირებას, იქნებიან თვითიზოლაციაში. გარდა ამისა, პარლამენტში მუდმივად ტარდება თერმოსკრინინგი, ყველას ევალება პირბადეების ტარება. ასევე გრძელდება სადეზინფექციო სამუშაოები, ასე რომ პარლამენტი ჩვეულებრივ რეჟიმში გააგრძელებს საქმიანობას," - განაცხადა პარლამენტის ვიცე-სპიკერმა გიორგი კახიანმა.