გერმანიის ქალაქ ლაიფციგში მესამე დღეა, არეულობა გრძელდება. მომიტინგეებსა და პოლიციას შორის შეტაკების მიზეზი საცხოვრებელ სახლებში თვითნებურად შესახლებული მოქალაქეები არიან.

დემონსტრანტები მათი უფლებების დაცვას მოითხოვენ და სამართალდამცველების მხრიდან მოქალაქეთა შევიწროებას აპროტესტებენ. მომიტინგეებმა პოლიციელებს ქვები და სხვა საგნები ესროლეს. პოლიციამ აქციის მონაწილეებს დაშლისკენ მოუწოდა, თუმცა, დემონსტრანტების ნაწილი სამართალდამცველების მოთხოვნას არ დაემორჩილა. არიან დაკავებულებიც.