"მიხეილ სააკაშვილის ბოდიში მოხვდათ გულზე "ქართული ოცნების" წარმომადგენლებს, იმიტომ, რომ მათ დაინახეს, ადამიანების გულამდე მივიდა მიხელ სააკაშვილს გულწრფელი ემოცია. მათ ამ გულწრფელი ემოციის გადმოცემის არც უნარი და არც მანდატი არ გააჩნიათ. იმიტომ, რომ ისინი მონურ მორჩილებაში იმყოფებიან ერთი ოლიგარქის, რომელიც მათ აცეკვებს და ათამაშებს მხოლოდ საკუთარი შიშებიდან გამომდინარე.

განცხადების გავრცელების დღესაც ვთქვი და გავიმეორებ, მივესალმები მიხეილ სააკაშვილის ამ გულწრფელ ემოციას. ბოდიში არის ძალიან კარგი და ადამიანს როდესაც შეუძლია შეცდომის აღიარება, უდიდესი ღირსებაა და არა მისი მინუსი და გულწრფელობა არის პოლიტიკოსის ყველაზე მნიშვნელოვანი მახასიათებელი, რასაც ყველაზე მეტად აფასებს ამომრჩეველი. ამას კარგად ხედავენ, მათ შორის იმ კვლევებშიც, რომელსაც უიმედობაში ჩავარდნილი ბიძინა ივანიშვილი ატარებს.

მიხეილ სააკაშვილის თქვენი ეთერით რომ ესაუბროთ, დარწმუნებული ვარ გეტყოდათ და მეც მაქვს ამის სურვილი, უფრო კარგი იქნებოდა "ნაციონალურ მოძრაობის" დროს უფრო დამოუკიდებელი ყოფილიყო სასამართლო, მათ შორის ძალიან ბევრ პრობლემას მოხსნიდა დღეს, როცა მონა მოსამართლეები გადმოიბარა ივანიშვილმა,"- განაცხადა "დღის კურიერში"თინა ბოკუჩავამ.