ქართველი ხალხი ცვლილების შესახებ მიიღებს გადაწყვეტილებას, არ ვფიქრობ, რომ ამას ჩემი მხრიდან რამენაირი ბიძგი სჭირდება, - ამის შესახებ მიხეილ სააკაშვილმა ატლანტიკურ საბჭოსთან ინტერვიუში განაცხადა.

საქართველოს მესამე პრეზიდენტმა კითხვაზე, აპირებს თუ არა საქართველოში მოახლოებულ არჩევნებზე იაქტიუროს, აღნიშნა, რომ ქვეყანაში ცვლილებების შესახებ გადაწყვეტილებას ხალხი იღებს.

ნამდვილად, ახლა ფიზიკურად არ მაქვს დრო, რომ საქართველოს ამბებს მივხედო. საქართველოს პოლიტიკა მეტად რთულია, ვიდრე უკრაინის. მას დიდი დრო სჭირდება, სრული თავდაჯერებით შემიძლია ვთქვა, რომ საქართველო შეიცვალა მარტივი მიზეზის გამო, როცა მე პრეზიდენტი ვიყავი, საქართველოს ეკონომიკა ოთხჯერ გაიზარდა. რვა წელზე ცოტა მეტი მქონდა აღმასრულებელი ძალაუფლება, საქართველოს ახლანდელ მთავრობასაც რვა წელი უსრულდება. ამ პერიოდში კი ეკონომიკა კი არ გაიზარდა, მალე კლება იქნება 6-7 პროცენტით. კარგი სიტუაცია ნამდვილად არაა. ქართველი ხალხი მიიღებს გადაწყვეტილებას ცვლილების შესახებ, არ ვფიქრობ, რომ ამას ჩემი მხრიდან რაიმე ბიძგი სჭირდება, - განაცხადა მიხეილ სააკაშვილმა.

სააკაშვილი ამბობს, რომ ამჯერად დროც არ არ აქვს, საქართველოს ამბებს მიხედოს, თუმცა უკრაინისთვის ბრძოლას საქართველოსთვის ბრძოლად მიიჩნევს.