დღეიდან, ფერმერებისთვის ანტიკრიზისული გეგმის ფარგლებში გათვალისწინებული დახმარების პროგრამების განხორციელება იწყება. ფასდაკლების ბარათები ეტაპობრივად გაიცემა, როგორც იუსტიციის სახლებში, ასევე საზოგადოებრივ ცენტრებში და "ლიბერთი ბანკის" ფილიალებში.

სწორედ ამ ბარათებით იქნება შესაძლებელი ფერმერებისთვის მიწების დასამუშავებლად საწვავის შეღავათიან ფასად გაცემა.

"ეს არის ანტიკრიზისული დახმარების ნაწილი, რომელიც ასახულია უშუალოდ ჰექტარზე 200 ლარიანი დახმარებებით. ანუ, ეს დახმარება მიეცემა იმ ფერმერს, რომელსაც საჯარო რეესტრში რეგისტრირებული აქვს მიწის ნაკვეთი 0.25 ჰექტრიდან 10 ჰექტრის ჩათვლით, ხოლო ჰექტარზე 150 ლიტრი საწვავის შეღავათიან ფასად შეძენის საშუალება მიეცემა იმ ფერმერს, რომელსაც ასევე 0.25 ჰექტრიდან პრაქტიკულად 100 ჰექტრის ჩათვლით აქვს რეგისტრირებული," - განაცხადა საქართველოს გარემოს დაცვისა და სოფლის მეურნეობის მინისტრის პირველი მოადგილემ, გიორგი ხანიშვილმა.