ანტიკრიზისულ გეგმაზე საუბრისთვის გიორგი გახარია კახეთში ჩავიდა. იქ პრემიერი ტურისტული სექტორის წარმომადგენლებს შეხვდა. შეხვედრა სასტუმრო „რედისონ ქოლექშენ წინანდალში“ გაიმართა.

გიორგი გახარიამ Covid 19-ის პანდემიასთან დაკავშირებით განცხადება გააკეთა. მისი თქმით, შესაძლოა ვირუსი მთელი წლის განმავლობაშიც გაგრძელდეს, თუმცა ამის გამო ქვეყნის ეკონომიკა და ტურიზმი არ უნდა დაზარალდეს.

საქართველო ამ კრიზისის შემდგომ, როგორც ტურიტული ქვეყანა, უნდა გაძლიერდეს და არ დავკარგოთ ის ტურისტული პოტენციალი, რომელიც ჩვენ აკრეფილი გვაქვს ბოლო წლების განმავლობაში. მთავარი მიზანი არის ის, რომ იმ მიმზიდველობასთან ერთად, რაც ისტორიულად გაგვაჩნდა, რომ ვყოფილიყავით ტურისტულად წარმატებული ქვეყანა, უნდა დაგვემატოს წარმატების ერთერთი კომპონენტი, ვირუსის ეფექტური მართვა, - განაცხადა გიორგი გახარიამ.

პრემიერმა საზღვრების გახსნის აუცილებლობაზეც ილაპარაკა და თქვა, რომ ელჩებთან ამ თემაზე უკვე მიმდინარეობს საუბრები და ხვალიდან ისინი ამ საკითხზე სხვადასხვა ქვეყნებთან მოლაპარაკებებს გააჟღერებენ.

ავტორი: ია გულიაშვილი.