ამერიკელი კონგრესმენი ადამ კინზინგერი საქართველოში პოლიტიკური ლიდერების გათავისუფლებას მიესალმება და ოპოზიციასა და ხელისუფლებას შორის მიღწეული შეთანხმების შესრულებას ელოდება. რესპუბლიკელი კონგრესმენის ოფისის კომენტარს "ამერიკის ხმა" ავრცელებს.

"კონგრესმენს ეს ამბავი ახარებს და მოელის, რომ ამ შეთანხმების შესრულებას იხილავს. ის მილოცვას უგზავნის ჩვენს საელჩოს შეთანხმების განხორციელებაში მათ მიერ შეტანილი წვლილისთვის," - ნათქვამია კინზინგერის ოფისის განცხადებაში.