მამუკა მდინარაძის შეფასებით, პრეზიდენტის გადაწყვეტილება ირაკლი ოქრუაშვილისა და გიგი უგულავას შეწყალებაზე, არასწორია. მდინარაძე ამბობს, რომ სალომე ზურაბიშვილის ეს გადაწყვეტილება მისთვის მოულოდნელი იყო.

სიმართლე გითხრათ, ამ გადაწყვეტილებას არ ველოდი, თუმცა პრეზიდენტის მოტივაცია გასაგებია.... მან ახსნა. ჩემი აზრით, ეს არ იყო სწორი გადაწყვეტილება... ერთია პრაგმატულობა და რამდენად სწორია პრაგმატულობაზე ასე გათვლა და მეორეა, რამდენად სწორი იყო ეს ემოციურად და მორალურად, როდესაც 48 მილიონის გაფლანგვაში ედება ერთ ადამიანს ბრალი და მეორეს ორგანიზებაში პარლამენტის შტურმისა, - ამბობს მდინარაძე.