ბათუმში გაფორმების ეკონომიკურ ზონასთან აქცია გამართეს სატვირთო ავტომობილების მძღოლებმა. ისინი პანდემიასთან დაკავშირებული გარკვეული შეზღუდვების მოხსნას ითხოვენ. მათი განმარტებით, მძღოლებმა რომლებსაც თურქეთიდან ძირითადად საკვები პროდუქტები შემოაქვთ, 48 საათის განმავლობაში უნდა გაიარონ ყველა პროცედურა, წინააღმდეგ შემთხვევაში ისინი ჯარიმდებიან როგორც თურქეთის, ასევე საქართველოს ტერიტორიაზე საკმაოდ სოლიდური ჯარიმებით.

აქციის მონაწილეები აცხადებენ, რომ ეს დრო საკმარისი არ არის პროდუქტებით დატვირთვისა და დიდი მანძილის გასავლელად. ისინი ხელისუფლებას პრობლემის მოგვარებას სთხოვენ. იმ შემთხვევაში თუკი მათი პრობლემები არ მოგვარდება, მძღოლები გზების გადაკეტვას გეგმავენ.

72 საათი არ არის საკმარისი დროს, რომ ქართული მანქანა გადავიდეს თურქეთში, დაიტვირთოს და უკან დაბრუნდეს სარფში. ეს არის არარეალური. ვითხოვთ ხელისუფლების დახმარებას და გვერდში დგომას, - ამბობს სატვირთო მანქანის მძღოლი მალხაზ კომახიძე.

საგანგებო მდგომარეობის გამო დაწესებული შეზღუდვების გამოისობით, ქართული მანქანების მძღოლებს თურქეთის საბაჟოზეც 3000 ლირით აჯარიმებენ.