ბიძინა ივანიშვილის ასწლოვანი ცაცხვის ხე სოფელ ქარიატადან მგზავრობას დღეს გააგრძელებს - სამუშაოების მიმდინარეობისას ერთი მამაკაცი დაშავდა. კეთილმოწყობის სამსახურის წარმომადგენელი, რომელიც ელექტროსადენებს ბოძებიდან ხსნიდა ავტომობილის ქვეშ მოჰყვა. ის ქუთაისის კლინიკაში გადაიყვანეს, როგორც ცნობილია, დაზიანებები ხელზე მიიღო.

"მაშინ როცა შიმშილია ორ მილიონს ხარჯავს ხის გადასატანად. აგერ რამოდენიმე მეტრში მიცვალებულია და დენი გამორთულია. გარდა ამისა, სანამ ამ ხეების გადატანას არ შეეწირება ადამიანი მანამდე არ მოეშვებიან. გუშინ ერთ-ერთი თანამშრომელი მუშაობდა ბოძების გადატანაზე მოჰყვა მანქანის ქვეშ, მერე ამათ გააფორმეს ვითომ ჩამოვარდა ბოძიდან და არ ვიცით ამ ადამიანის მდგომაროება," - ამბობს ადგილობრივი.