ინფექციური პათოლოგიის, შიდსისა და კლინიკური იმუნოლოგიის სამეცნიერო პრაქტიკული ცენტრის დირექტორი თენგიზ ცერცვიძის განცხადებით, საქართველოს მთავრობამ პრეპარატ "რემდესევირის" მისაღებად კომპანია "გილიედს" მიმართა.

ცერცვაძემ იმედოვნებს, რომ საქართველო ერთ-ერთი პირველი მიიღებს აღნიშნულ პრეპარატს კორინავირუსის სამკურნალოდ.

ცერცვაძის ინფორმაციით, მთელი მსოფლიო ცდილობს "რემდესევირი" მოიპოვოს, ამისთვის მათ რიგში უწევთ ყოფნა, თუმცა ამ შემთხვევაში, საქართველოს ნაკლები შანსი აქვს, რადგან ქვეყანაში არც ისე ბევრი ინფიცირებულია.

"როგორც კი, გაჩნდა ეს ეპიდემია და არ არსებობდა პირდაპირი მოქმედების ანტივირუსული მედიკამენტი, მაშივე დაიწყეს დაახლოებით 15 მედიკამენტის კვლევა, თუ რომელი გაამართლებდა ამ კორონავირუსის სამკურნალოდ. "რემდესივირი" თავიდანვე მოიაზრებოდა ფავორიტად ამ ჯგუფში. მისი მოქმედების მექანიზმიდან გამომდინარე თვლიდნენ, რომ ეს იქნებოდა ეფექტური კორონავირუსის სამკურნალოდ. მანამდე თქვენ იცით, განიხილებოდა კიდევ რამდენიმე მედიკამენტი, მაგრამ "რემდესევირი" ითვლებოდა ფარულ ფავორიტად. პრეპარატი რომელზეც ამყარებდნენ ყველაზე დიდ იმედს. შემდეგ ერთ ხანს ეს იმედები არ გამართლდა.

იყო კვლევის შედეგები, რომელმაც უჩვენა, რომ "რემდესევირი" არც ისე ეფექტურია კოვიდის დროს, როგორც თავიდან ეგონათ. ახლა ისევ შეიცვალა სიტუაცია. ამერიკის ყველაზე ავტორიტეტული ინსტიტუტის ყველაზე ავტორიტეტულმა დირექტორმა, რომელიც ჩვენი დიდი მეგობარია, დადო საკმაოდ თამამი განცხადება, რომ "რემდესევირი" ეფექტურია ამ დაავადების დროს და შესაძლოა ეს იყოს გზა გადარჩენისკენ. ყველა არ ეთანხმება, ახლაც არის განსხვავებული აზრებიც.

ახლა რაც შეეხება, საქართველოს აქვს თუ არა შანსი "რემდესევირის მიღების," თავიდანვე მთელი მსოფლიო იდგა რიგში რემდესევირის მისაღებად. იმის გამო, რომ ჩვენ გვყავს ძალიან ცოტა ინფიცირებული და კიდევ უფრო ცოტა გარდაცვლილი, ამ რიგში უშანსოდ ვიქნებოდით, მაგრამ ჩვენს მთავრობას აქვს ერთი პრივილეგია.

კომპანია "გილიედი" ის კომპანიაა, რომელიც საქართველოს აწვდიც C-ჰეპატიტის ელიმინაციისთვის უფასოდ მედიკამენტებს და საერთოდ დიდ პატივს სცემს საქართველოს და მის ჯანდაცვას. ქალბატონმა ეკამ და ხელისუფლებამ ისარგებლეს ამ პრივილეგიით და უშუალოდ მიმართეს კომპანიას, რომ გაითვალისწინოს საქართველოსთან მისი თანამშრომლობის წარმატებული ისტორია და მისცენ საქართველოს "რემდესევირი."

არის იმედი, რომ საქართველო იქნება ერთ-ერთი პირველი ქვეყანა, რომელიც მიიღებს "რემდესევირს" თუ გამართლდა იმედები, რომელიც დღეს არის და გამართლდა ის სიტყვები, რაც თქვა ტონი ფაუჩიმ, მაშინ საქართველო კიდევ უფრო დიდ ნაბიჯს გადადგამს წინ. ამაზე მეტი რაღა უნდა ქნას, სულ ექვსი გარდაცვლილი ჰყავს," - განაცხადა თენგიზ ცერცვაძემ.