პოლიციამ 40 კილოგრამი ნარკოტიკული საშუალება ამოიღო. დაკავებულია უცხო ქვეყნის ორი მოქალაქე. აკრძალული ნივთიერების საერთო ღირებულება შავ ბაზარზე 2 მილიონ დოლარზე მეტია.

სპეცოპერაცია მახინჯაურში ჩატარდა. სპეცდანიშნულების რაზმი იმ საცხოვრებელ კორპუსთან, რომელსაც სავარაუდო დამნაშავეები თავს აფარებდნენ, დილის 12 საათიდან მობილიზდნენ.

როგორც ირკვევა, აშშ-სა და საქართველოს სამართალდამცავი სტრუქტურების სპეცოპერაცია ორი თვის განმავლობაში იგეგმებოდა და დღეს წარმატებით დასრულდა.

დაკავებულია ბულგარეთის ორი მოქალაქე. შსს-ს განცხადებით, სპეცოპერაციას საერთაშორისო მნიშვნელობა აქვს.

როგორც შინაგან საქმეთა სამინისტროს ცენტრალური კრიმინალური პოლიციის დეპარტამენტის დირექტორი მამუკა ჭელიძე აღნიშნავს, ბულგარეთის მოქალაქეები ნარკოტიკის გადატანას ცენტრალური ევროპის ქვეყნებში გეგმავდნენ.