საუდის არაბეთში გამათრახება, როგორც სადამსჯელო ზომა, აიკრძალა. საერთაშორისო მედიის ინფორმაციით, სასამართლომ გაროზგვა პატიმრობით ან ჯარიმით შეცვალა. აქამდე საუდის არაბეთში გამათრახება გარკვეული დანაშაულებების სადამსჯელო ზომად იყო მიღებული. ბოლო წლების განმავლობაში საუდის არაბეთი მსოფლიოს გავლენიანი უფლებადამცველი ორგანიზაციების მხრიდან, ადამიანის უფლებების დაცვის კუთხით კრიტიკის სამიზნე არაერთხელ გახდა.