კოვიდინფექციის მსხვერპლის რაოდენობა იზრდება რეგიონის ქვეყნებში. ბოლო 24 საათში თურქეთში COVID-19-ით გარდაცვალების 119 და ინფიცირების 4 600-ზე მეტი ფაქტი დაფიქსირდა. რუსეთში კი ვირუსი დღე-ღამეში 5 ათასზე მეტ ადამიანს დაუდგინდა. საერთო ჯამში 456 ადამიანია გარდაცვლილი, მათ შორისაა მართლმადიდებელი სასულიერო პირი. 24-მდეა გაზრდილი ლეტალობის მაჩვენებელი სომხეთში, აზერბაიჯანში კი ვირუსს 20 ადამიანის სიცოცხლე ემსხვერპლა. რუსეთი და თურქეთი უკვე COVID-19-ის ათეულში არიან, თურქეთი 95 ათსზე მეტი, ხოლო რუსეთი 52 ათასზე მეტი ინფიცირებულით.