საქართველოში კორონავირუსის კიდევ 2 ახალი შემთხვევა დაფიქსირდა, რომელიც უცხოეთიდან სამკურნალოდ გადმოყვანილი საქართველოს მოქალაქეების შემთხვევას უკავშირდება.

https://stopcov.ge-ზე გამოქვეყნებული მონაცემების თანახმად, ამ დროისთვის საქართველოში COVID-19-ის 233 დადასტურებული ფაქტი ფიქსირდება, მათ შორის გამოჯანმრთელებულია 54 პაციენტი. არ შეცვლილა გარდაცვალების მაჩვენებელი, ამ დროისთვის საქართველოში COVID-19-ით 3 პაციენტია გარდაცვლილი.

კარანტინის რეჟიმში რჩება 4856 ადამიანი, სტაციონარში მეთვალყურეობის ქვეშ კი 370 პირია.

აქამდე არსებულ მონაცემებს დაემატა ახალი გრაფა სადაც საქართველოში სამკურნალოდ უცხოეთიდან გადმოყვანილი საქართველოს მოქალაქეების მაჩვენებელი ჩანს, ასეთი - 3 შემთხვევა ფიქსირდება.