ბოლნისსა და მარნეულში კორონავირუსის კიდევ 2 შემთხვევა დადასტურდა, აქედან ერთ-ერთი ინფიცირებული, 87 წლის მამაკაცი, COVID-19-ით გარდაცვლილი ქალის მეუღლეა. მეორე კი 67 წლის ქალია.

ბოლნისსა და მარნეულში კიდევ ორ დადასტურებულ შემთხვევაზე განცხადება ქვემო ქართლის გუბერნატორმა შოთა რეხვიაშვილმა გააკეთა.

გუბერნატორის თქმით, ორივე დაინფიცირებულის კონტაქტები დადგენილია და 25 ადამიანი თვითიზოლაციაში იმყოფება.