ყველასათვის საყვარელი ნამცხვრის ყველაზე მარტივი და სწრაფი რეცეპტი.
ინგრედიენტები
ბისკვიტის ნაფშვენისთვის
ფქვილი - 400 გ
კარაქი - 170 გ
შაქარი - 100 გ
ვანილის შაქარი - 1 შეკვრა
ქოქოსის ფანტელი - 40 გ

კრემისთვის
რძე - 500 მლ
კვერცხი - 2-3 ც
შაქარი - 100 გ
სიმინდის სახამებელი - 2 სკ
ვანილის შაქარი
კარაქი - 30 გ

მომზადების წესები
ქვაბში გადაიტანეთ კვერცხი, შაქარი და ვანილის შაქარი. ნელ-ნელა დაუმატეთ ცივი რძე, შემოდგით ცეცხლზე და გამუდმებით ურიეთ. რომ გასქელდება, დაუმატეთ კარაქი და გააგრძელეთ მორევა. რამდენიმე წუთში გადმოდგით გაზქურიდან და გააგრილეთ.
ჯამში გადაიტანეთ ფქვილი და ჩაახეხეთ ცივი კარაქი (დაიხმარეთ ფქვილი). დაამატეთ ვანილის შაქარი, შაქარი და ხელით გააფხვიერეთ. მიღებული მასა გადაიტანეთ ტაფაზე და დაბალ ცეცხლზე შემოდგით. რამდენიმე წუთით დააყოვნეთ და გამუდმებით ურიეთ. სურვილის შემთხვევაში დაუმატეთ ქოქოსის ფანტელიც.
ფორმაში ან კონტეინერში ჩააფინეთ გამოსაცხობი ქაღალდი (ძირსა და გვერდებზეც) და დაიწყეთ ტორტის აწყობა.
ძირზე თხელ ფენად გადაიტანეთ კრემი. შემდეგ მოაყარეთ ნაფშვენები. შემდეგ ისევ კრემი და ა.შ.
გააფორმეთ გახეხილი შოკოლადით, მოათავსეთ მაცივარში 1-2 საათით და მიირთვით.

წყარო: gemrielia.ge