ეს კერძი გამოგადგებათ საუზმედ, სადილად და ვახშმადაც
ინგრედიენტები
კვერცხი - 4 ცალი
დაჭრილი პომიდორი საკუთარ წვენში, ცოცხალი ან კონსერვირებული - 2 მოზრდილი თავი
მწარე წითელი წიწაკა - 1 ცალი
წითელი ბულგარული წიწაკა - 2 ცალი
ხახვი - 2 ცალი
ზეთი - 2-3 ჩ/კ
ოხრახუში - 1 პატარა შეკვრა
არაჟანი - 6 ს/კ
დაჭყლეტილი ნიორი - 2 კბილი

მომზადების წესები
1. გავაცხელოთ ზეთი ტაფაზე, ჩავყაროთ ხახვი, დაჭრილი ბულგარული წიწაკა და მწარე წიწაკა. მოვხრაკოთ დარბილებამდე. დავამატოთ დაჭრილი პომდორი ცოცხლად ან დაკონსერვებული, მოვურიოთ და დავტოვოთ ცეცხლზე სანამ წვენს არ დაიშრობს, დავუმატოთ მარილი გემოვნებით.
2. კოვზით გავაკეთოთ ორმოები მიღებულ მასაში და თითოეულში ჩავახალოთ კვერცხი მთელ-მთელად. დავახუროთ თავზე და დაველოდოთ კვერცხის შეწვამდე. მზა კერძს მოვაყაროთ დაჭრილი ოხრახუში.
3. სუფრასთან მივიტანოთ არაჟნის სოუსთან ერთად, რომელიც ასე მზადდება: არაჟანს შევურიოთ დაჭყლეტლი ნიორი და მარილი გემოვნებით.(შეგიძლიათ დაუმატოთ დახეხილი კიტრიც)

წყარო: gemrielia.ge