საქართველოს პრემიერ-მინისტრის მრჩეველი რეგიონული განვითარების საკითხებში, სოზარ სუბარი აცხადებს, რომ მარნეულსა და ბოლნისში მკაცრი საკარანტინე ზომები იქამდე შენარჩუნდება, სანამ მოსახლეობის კვლევა არ დასრულდება. სოზარ სუბარი ამბობს, რომ ტერიტორიაზე შესვლა და იქიდან გამოსვლა მკაცრად გაკონტროლებული იქნება.

"საფრთხე არსებობს და ამიტომაც, ჩვენ ყველა ამ ადამიანის კვლევა უნდა ჩავატაროთ. თუმცა, იმის გამო, რომ ჩვენ არ ვიცით ზუსტად მისგან რამდენი ადამიანი არის დაინფიცირებული, ან არის, თუ არა საერთოდ... ამიტომ, გადავწყვიტეთ, რომ ეს ორი მუნიციპალიტეტი ბოლნისი და მარნეული მოვაქციოთ მკაცრი კარანტინის ზონაში, რომ სანამ არ მოხდება ჩვენი მოსახლეობის კვლევა, მანამდე იქ შესვლა და გამოსვლა იყოს მკაცრად შეზღუდული," - განაცხადა სოზარ სუბარმა.