სპეც-რეისების იმედად დარჩენილი ქართველები შველას ითხოვენ. "კურიერმა" მსოფლიოს სხვადასხვა ქვეყნიდან საქართველოს მოქალაქეებისგან ასობით შეტყობინება მიიღო. კორონავირუსის გამო ფრენები ან საერთოდ გაუქმდა ან ძალიან გაძვირდა. საქართველოს მოქალაქეები დახმარებას ითხოვენ ძირითადად იტალიიდან, პოლონეთიდან, გერმანიიდან, საფრანგეთიდან და უნგრეთიდან. მას შემდეგ, რაც საჰაერო სივრცე დაიხურა, ქვეყანაში დაბრუნების ერთადერთი გზა "აირზენას" მიერ შესრულებული რეისებია, თუმცა უცხოეთში ჩარჩენილები ამბობენ, რომ განრიგებზე ინფორმაცია არ აქვთ.