კარანტინის ან თვითიზოლაციის დამრღვევი პირები დაისჯებიან. ფიზიკურ პირებს 3 000, იურიდიულ პირებს კი 15 000 ლარიანი ჯარიმა დაეკისრებათ. კანონის განმეორებით დარღვევის შემთხვევაში ინიციატივა ითვალისწინებს ერთ წლამდე პატიმრობას.

მმართველი გუნდის მიერ მომზადებულ საკანონმდებლო პაკეტს, რომელიც პარლამენტში უკვე ინიცირებულია, მხარს უჭერს ოპოზიციაც.

აღსანიშნავია, რომ ახალი რეგულაციები ამოქმედდება 27 მარტიდან. მანამდე კი პარლამენტმა დაჩქარებული წესით უნდა იმუშაოს იმისათვის, რომ კანონპროექტი განიხილონ როგორც კომიტეტებში, ასევე პლენარულ სხდომაზე.

პარლამენტის წევრების თქმით, კანონპროექტის მიღების მთავარი მიზანია საერთო უსაფრთხოების დაცვა.