ეკონომიკის მინისტრმა, ნათია თურნავამ განაცხადა, რომ საქართველოში პირბადეების დამზადება ხვალიდან დაიწყება და მისი წარმოების მზაობა უკვე გამოთქვა ერთ-ერთმა სამკერვალომ, რომელიც პირბადეების გარკვეულ რაოდენობას უსასყიდლოდ შეკერავს. გარდა ამისა, მინისტრის თქმით, პროგრამაში ჩართულები არიან სხვა სამკერვალო საწარმოები. მინისტრის თქმით, პირბადეები იქნება მრავალჯერადი გამოყენების და ის მსოფლიო ჯანდაცვის ორგანიზაციის რეკომენდაციებთან არის შეთანხმებული.

აქვე, ეკონომიკის მინისტრმა მადლობა გადაუხადა ყველა იმ კომპანიას, რომელიც პროგრამაში ერთვება. მისი თქმით, ბევრი მათგანი პროგრამაში უანგაროდ მონაწილეობს.